ہم ہمشیہ افغان عوام کے ساتھ ہیں:ملائیشیا

?️ 20 جولائی 2022

سچ خبریں:افغان امور کے لیے ملائیشیا کی وزارت خارجہ کے خصوصی نمائندے نے افغانستان کی ترقی کے بنیادی مسائل کے موضوع پر ہونے والے اجلاس کی افتتاحی تقریب میں کہا کہ ہم افغانستان کے عوام کے ساتھ تھے، ہیں اور رہیں گے اس لیے کہ ہم ایک ہی قوم ہیں۔
ملائیشیا کی وزارت خارجہ کے خصوصی نمائندے نے افغانستان کی ترقی کے بنیادی مسائل کے عنوان سے کابل میں منعقد ہونے والے افغانستان اور ملائیشیا کے مشترکہ اجلاس کی افتتاحی تقریب میں طالبان کی عبوری حکومت کے قائم مقام وزیر صنعت و تجارت کی ترقی پر مبنی کاوشوں کا خیر مقدم کرتے ہوئے ملائیشیا کی حکومت کا ساتھ دینے کے لیے افغانستان کے عوام کا شکریہ ادا کیا اور اس حمایت کو مسلم قوم کے اتحاد کی وجہ سے سمجھا۔

انہوں نے اپنے خطاب میں افغانستان اور ملائیشیا دونوں ممالک کے درمیان ہونے والی سرگرمیوں کا ذکر کرتے ہوئے کہا کہ ہمارے کام کا پہلا مرحلہ تعلقات کو مضبوط بنانا تھا جو مکمل ہو چکا ہے اور دوسرا مرحلہ افغانستان کے لیے ایک ماسٹر پلان بنانا ہے۔

احمد اعظم کے مطابق ان کے کام کا اگلا مرحلہ امارت اسلامیہ افغانستان کو تسلیم کرنا ہے، باختر نیوز ایجنسی کے مطابق اس تقریب کے دوران طالبان کی عبوری حکومت کے قائم مقام وزیر صنعت و تجارت نورالدین عزیزی نے بھی کہا کہ افغانستان مواقع کا ملک ہے جہاں معدنی وسائل میں سرمایہ کاری ایک ایسا موقع ہے جس سے افغانستان اور ملائیشیا فائدہ اٹھائیں گے۔