کیمیائی ہتھیاروں کے بارے میں امریکی دعویٰ بے بنیاد ؛واشنگٹن میں روسی سفیر

?️ 12 مارچ 2022

سچ خبریں:واشنگٹن میں روس کے سفیر نے امریکہ کے اس بے بنیاد دعوے کو مسترد کر دیا ہے کہ ماسکو یوکرین میں کیمیائی ہتھیاروں کا استعمال کر سکتا ہے اور اسے امریکی شیطانیت کی ایک اور کارروائی قرار دیا ہے۔
ریانووستی کی رپورٹ کے مطابق واشنگٹن میں روس کے سفیر اناتولی اینٹونوف نے کہا کہ امریکی بیانات کہ روس یوکرین میں کیمیائی ہتھیاروں کا استعمال کر سکتا ہے، ماسکو کو برا دکھانے کی کوشش ہے، اس طرح کے الزامات بے بنیاد ہیں۔

انہوں نےامریکی محکمہ خارجہ کے ترجمان نیڈ پرائس کے بیان کا حوالہ دیتے ہوئے جس میں انھوں نے کہا تھا کہ روس یوکرین میں کیمیائی ہتھیار استعمال کر سکتا ہے، کہا کہ ہمیشہ کی طرح امریکی عہدہ دار نے ایک بھی دستاویز پیش کرنے کی زحمت گوارا نہیں کی،روسی سفیر نے مزید کہا کہ یہ ہمارے ملک کو شیطانی بنانے کی ایک اور کوشش ہے۔

واضح رہے کہ روس کے خلاف امریکی الزام ایک ایسے وقت میں سامنے آیا ہے جب واشنگٹن یوکرین میں اپنے زیر کنٹرول حیاتیاتی تجربہ گاہوں کے وجود کو تسلیم کرنے کے باوجود ان لیبارٹریوں میں بائیو ہارڈز کی پیداوار سے لاحق خطرات کو تسلیم کرنے سے انکار کرتا ہے اور ایسے مادوں کی پیداوار کو چھپاتا ہےجبکہ روس نے اس بات پر سخت تشویش کا اظہار کیا ہے کہ اسے حاصل ہونے والے شواہد کے مطابق یہ مواد دہشت گرد گروہوں کے ہاتھ لگ سکتا ہے۔