کیا نیٹو کی رکنیت یوکرین کو بچا سکتی ہے؟

?️ 14 جولائی 2023

سچ خبریں: روسی صدر نے اس بات پر زور دیا کہ نیٹو میں یوکرین کی ممکنہ رکنیت ماسکو کی سکیورٹی کے لیے خطرہ بنے گی جبکہ اس سے کیف کی سکیورٹی میں اضافہ نہیں ہوگا۔

اسپوٹنک نیوز ایجنسی کی رپورٹ کے مطابق روسی صدر ولادیمیر پیوٹن نے اس بات پر زور دیا کہ یوکرین کی ممکنہ رکنیت کیف کے لیے کوئی حفاظتی ضمانتیں پیدا نہیں کرتی، ان کا کہنا تھا کہ یہ مسئلہ روس کی سلامتی کو خطرے میں ڈال دے گا۔

پیوٹن نے کہا کہ ہم نے نیٹو میں یوکرین کی رکنیت کے بارے میں کئی بار بات کی ہے اور دہرایا ہے کہ یہ مسئلہ ماسکو کی سلامتی کے لیے واضح طور پر خطرات کا باعث ہے۔

انہوں نے کہا کہ درحقیقت ہماری فوجی کاروائیوں کی ایک وجہ یوکرین کی نیٹو میں شمولیت کا خطرہ ہے، مجھے یقین ہے کہ یہ مسئلہ یوکرین کی سلامتی میں اضافہ نہیں کرے گا۔

روسی صدر نے کہا کہ یوکرین کو سکیورٹی کی ضمانت کا حق حاصل ہے لیکن اسے دوسرے ممالک کے لیے سکیورٹی کو خطرہ نہیں ہونا چاہیے۔

یہ بھی پڑھیں: کیوں امریکہ یوکرین کے نیٹو میں شامل ہونے کے خلاف ہے؟

پیوٹن کے مطابق ماسکو یوکرین کے لیے سکیورٹی کی ضمانتوں پر بات چیت اور مذاکرات کا مخالف نہیں ہے، انہوں نے تاکید کی کہ ہم نے کئی بار کہا ہے کہ ہر ملک کو اپنی سلامتی کے بارے میں یقین رکھنے کا حق حاصل ہے اور بلاشبہ اسے یہ حق بھی حاصل ہے کہ وہ اس مقصد کو حاصل کرنے کے لیے اپنے راستے کا انتخاب کرے۔

انہوں نے کہا کہ ایک ملک کی سلامتی کو حاصل کرنا دوسرے ملک کے لیے خطرہ نہیں ہونا چاہیے،یاد رہے کہ لیتھوانیا کے دارالحکومت ولنیئس میں نیٹو سربراہی اجلاس کے اختتام کے بعد یہ خبریں سامنے آئیں کہ اس اتحاد کے رہنماؤں نے یوکرین کے صدر ولادیمیر زیلینسکی سے کہا کہ وہ خود پر قابو رکھیں۔ خاص طور پر جب انہوں نے نیٹو پر کڑی تنقید کی اور اس فوجی اتحاد پر یوکرین کی رکنیت کو ٹالنے کا الزام لگایا۔

مزید پڑھیں: نیٹو میں شمولیت کی دعوت دیے جانے کے بعد یوکرین کے بحران میں شدت:ہنری کسنجر

ایک سخت تنقید میں زیلنسکی نے کہا کہ یوکرین کی دعوت یا رکنیت کے لیے ٹائم ٹیبل طے نہ کرنا غیر معمولی اور مضحکہ خیز ہے۔

کہا جاتا ہے کہ نیٹو سربراہی اجلاس میں شریک امریکی وفد زیلنسکی کے بیان سے کافی ناراض ہوا اور یہاں تک کہ اس ملک کے صدر جو بائیڈن نے بھی نیٹو کے عشائیے میں شرکت نہیں کی۔