کیا فرانس یوکرین میں خصوصی فوجی دستے بھیجنے والا ہے؟

?️ 3 مارچ 2024

سچ خبریں: ایک فرانسیسی میگزین نے لکھا ہے کہ اس ملک کی حکومت یوکرین میں خصوصی فوجی دستے بھیجنے کا ارادہ رکھتی ہے۔

رشیا ٹوڈے کی رپورٹ کے مطابق لی موندے اخبار نے باخبر ذرائع کے حوالے سے رپورٹ دی ہے کہ فرانس کی حکومت ماسکو کے خلاف کارروائی کرنے کے لئے کیف کی مسلح افواج کو تربیت دینے کے لیے خصوصی فوجی دستے کو براہ راست یوکرین بھیجنے پر غور کر رہی ہے۔

یہ بھی پڑھیں: کیا یوکرین میں مغربی اسپیشل فورسز موجود ہیں؟برطانوی میگزین کی رپورٹ

اخبار نے ممکنہ طور پر یوکرین جانے والے فرانسیسی فوجی انسٹرکٹرز کی تعداد ظاہر نہیں کی لیکن کہا کہ ان میں کچھ روایتی یونٹس شامل ہو سکتے ہیں۔

لی مونڈے کے مطابق، فرانسیسی اسپیشل فورسز اس سے قبل پولینڈ میں یوکرینی فوجیوں کو تربیت دینے اور اس ملک کے ہتھیاروں کی یوکرین کو ترسیل میں بھی شامل رہی ہیں، تاہم وہ ہمیشہ یوکرین کی سرحد پر رہے ہیں۔

واضح رہے کہ یہ خبر اس وقت شائع ہوئی ہے جب فرانسیسی عوام کی اکثریت اپنے ملک کے صدر کے یوکرین میں فوجی دستے بھیجنے کے خیال کے خلاف ہے۔

ایک نئے سروے کے نتائج سے ظاہر ہوتا ہے کہ دو تہائی سے زیادہ فرانسیسی عوام کا خیال ہے کہ فرانسیسی صدر ایمانوئل میکرون کا یہ خیال کہ نیٹو ایک دن یوکرین کی حمایت کے لیے اپنی فوجیں بھیج سکتا ہے غلط ہے۔

فرانسیسی اخبار فیگارو میں جمعرات کو شائع ہونے والے پول کے نتائج سے ظاہر ہوا کہ 68 فیصد جواب دہندگان نے یوکرین میں مستقبل میں نیٹو کی ممکنہ تعیناتی کے بارے میں میکرون کے تبصروں سے اتفاق نہیں کیا، جب کہ صرف 31 فیصد ووٹروں نے کہا کہ وہ اس خیال سے متفق ہیں۔

فرانسیسی صدر ایمانوئل میکرون، جن کے حالیہ بیانات پر مغرب سے یوکرین میں فوجیوں کی ممکنہ تعیناتی کے بارے میں مغربی حکام کی طرف سے منفی ردعمل سامنے آیا، کہتے ہیں کہ انہوں نے جان بوجھ کر کیف میں فوجیوں کی تعیناتی کی بات کی!

پیرس کے مضافات میں اولمپک ولیج کے دورے کے دوران، میکرون نے صحافیوں کو بتایا کہ اس طرح کے مسائل کافی سنگین ہیں،میں نے اس ہلکے اور بھاری مسئلے کے بارے میں اور اس کے تمام پہلوؤں کے بارے میں ایک ایک لفظ سوچ سمجھ کر اور حساب کتاب سے بولا ۔

مزید پڑھیں: سابق افغان فوج کے خصوصی دستے یوکرین میں لڑ رہے ہیں: ماسکو

ساتھ ہی، فرانسیسی صدر نے اس بارے میں کوئی بھی جیو پولیٹیکل تبصرہ کرنے سے انکار کیا اور کہا کہ یوکرین میں جنگ کو اولمپک ولیج کے افتتاح کے ساتھ الجھن میں نہیں ڈالنا چاہیے اور مزید کہا کہ کھیلوں کو امن و سکون میں کردار ادا کرنا چاہیے۔