کیا تائیوان چین کا مقابلہ کر سکتا ہے؟امریکی کیا کہتے ہیں؟

?️ 1 اگست 2023

سچ خبریں: معروف امریکی تھنک ٹینک کا کہنا ہے کہ تائیوان کی فوج کئی وجوہات کی بنا پر چینی فوج کے حملے کی صورت میں اپنے دفاع کے لیے تیار نہیں ہے یہی وجہ ہے کہ تائیوان پرانی صلاحیتوں میں سرمایہ کاری کو ترجیح دے رہا ہے۔

معروف امریکی تھنک ٹینک رینڈ کے جائزے سے ظاہر ہوتا ہے کہ تائیوان چینی فوج کے خلاف اپنا دفاع کرنے کے لیے تیار نہیں ہے،تھنک ٹینک کا جائزہ ظاہر کرتا ہے کہ تائیوان کو چین کی جارحیت کا مقابلہ کرنے کے لیے مزید اقدامات کرنے چاہیے۔

یہ بھی پڑھیں: تائیوان کے سلسلے میں چین اور امریکہ کی جنگ، واشنگٹن کے لئے خطرہ

اس رپورٹ میں کہا گیا ہے کہ تائیوان کے رہنماؤں کو اس جزیرے پر چین کے حملے پر شک وتردید ہے، تائیوان کے رہنماؤں کا خیال ہے کہ چین کی جانب سے تائیوان کے ساتھ الحاق کی کوششیں فوجی کاروائی کے بجائے اقتصادی طور پر کی جائیں گی۔

سابق امریکی سکیورٹی اہلکار اور ہیریٹیج تھنک ٹینک کے کنسلٹنٹ الیکس ویلز گرین نے اس تشخیص کو تباہ کنقرار دیا،240 صفحات پر مشتمل رپورٹ میں کہا گیا ہے کہ تائیوان دفاع پر خاطر خواہ خرچ نہیں کرتا اور اپنی زیادہ تر رقم فرسودہ نظاموں پر خرچ کرتا ہے۔

رپورٹ میں کہا گیا ہے کہ تائیوان کی فوج بہت سی وجوہات کی بنا پر کسی بڑے چینی فوجی حملے کے خلاف دفاع کے لیے تیار نہیں ہے اس لیے کہ تائیوان پرانی صلاحیتوں میں سرمایہ کاری کو ترجیح دیتا ہے۔

یاد رہے کہ گزشتہ جمعہ کو امریکہ نے تائیوان کو 345 ملین ڈالر کے ہتھیاروں کے امدادی پیکج کی پیشکش کی نیز امریکی کانگریس نے تائیوان کے لیے ہنگامی دفاعی اخراجات میں 1 بلین ڈالر کی منظوری دی۔

واضح رہے کہ تائیوان کو چین کا ایک حصہ سمجھا جاتا ہے ،تاہم اس کے حکام علیحدگی کے دعوے کرتے ہیں جنہں دنیا کے ممالک اور اقوام متحدہ تسلیم نہیں کرتے۔

مزید پڑھیں: کیا تائیوان نئی عالمی جنگ کا نقارہ بجائے گا؟

یاد رہے کہ بیجنگ نے ہمیشہ تائیوان کے نمائندوں اور مغربی حکام کے درمیان کسی بھی رابطے کی مخالفت کی ہے، خاص طور پر ان ممالک کے اعلیٰ سطح کے سیاسی یا فوجی حکام جن کے ساتھ بیجنگ کے سفارتی تعلقات ہیں، اس کا کہنا ہے کہ یہ دورے متحدہ چین اصول کی خلاف ورزی کرتے ہیں اور تائیوان کی علیحدگی پسند قوتوں کو غلط پیغام دیتے ہیں۔