کمانڈروں کے قتل سے میزائلی حملے نہیں رکیں گے: اسلامی جہاد

?️ 11 مئی 2023

سچ خبریں:فلسطین کی اسلامی جہاد تحریک کے رکن اور اس تحریک کے عسکری ونگ قدس بٹالین کے میزائل یونٹ کے کمانڈر نے خانیونس پر اسرائیل کے میزائل حملے کی مذمت کرتے ہوئے تاکید کی کہ وہ اس کا منہ توڑ جواب دیں گے۔

اسلامی جہاد تحریک نے اس بیان میں تاکید کی کہ رہائشی مکانات پر بمباری کرکے دہشت گردی کی پالیسی دشمن کو شکست نہیں دے گی اور آئندہ حملے اس کی کمزوری اور نا اہلی کو ظاہر کر دیں گے۔

اس تحریک نے اس بات پر زور دیتے ہوئے کہ قدس بٹالین کے میزائل یونٹ کے کمانڈر کی شہادت سے میزائل حملوں کو روکا نہیں جائے گا، اس تحریک نے اعلان کیا کہ قدس بٹالین قابض حکومت کے خلاف فائر کی رینج کو وسعت دینے اور بڑھانے کی صلاحیت رکھتی ہے۔

دوسری جانب اسلامی جہاد تحریک کے رہنماوں میں سے ایک خمیس الہیثم نے بھی المیادین کو انٹرویو دیتے ہوئے کہا کہ شہید علی حسن غالی کا قتل لا جواب نہیں رہے گا ۔

واضح رہے کہ صیہونی حکومت کے جنگجوؤں نے اپنے تازہ ترین جرم میں غزہ کی پٹی کے جنوب میں واقع خان یونس کے قصبے حمد میں ایک رہائشی عمارت پر بمباری کی جس کے دوران کم از کم 3 افراد شہید اور متعدد زخمی ہو گئے۔

فلسطینی ذرائع نے اعلان کیا ہے کہ اسرائیلی فوج نے خان یونس میں ایک رہائشی کمپلیکس پر حالیہ حملے میں فوجی کونسل کے رکن اور قدس بٹالین کے راکٹ یونٹ کے کمانڈر علی حسن غالی کو شہید کر دیا۔ اس مجرمانہ حملے میں اس استقامتی کمانڈر کا بھائی بھی شہید ہوا۔