چین عرب ممالک کا سب سے بڑا تجارتی شراکت دار ہے:سعودی عرب

🗓️ 12 جون 2023

سچ خبریں:سعودی عرب کے وزیر خارجہ فیصل بن فرحان نے چینی اور عرب تاجروں کے اجلاس میں کہا کہ چین اور عرب ممالک کے درمیان تجارت کا حجم 430 ارب ڈالر ہے۔

سعودی عرب کے وزیر خارجہ فیصل بن فرحان نے آج (اتوار) کو چینی اور عرب تاجروں کی دسویں کانفرنس کی افتتاحی تقریب میں شرکت کرتے ہوئے چین کو عرب ممالک کا سب سے بڑا تجارتی شراکت دار قرار دیا۔

العربیہ کے مطابق بن فرحان نے اس کانفرنس کے انعقاد کا خیرمقدم کرتے ہوئے کہا کہ سعودی عرب کی حکومت اور محمد بن سلمان ذاتی طور پر عرب ممالک اور چین کے درمیان تجارتی تعاون کو مضبوط بنانے کی بھرپور حمایت کرتے ہیں نیز عرب ممالک کے اجلاس سے حاصل ہونے والے نتائج کی حمایت کرتے ہیں۔ ا

یاد رہے کہ سعودی عرب کے وزیر خارجہ نے چینی صدر شی جن پنگ کے دورہ ریاض کا حوالہ دیتے ہوئے کہا کہ اس سفر سے بیجنگ اور ریاض کے درمیان ہر سطح پر تعلقات میں اضافہ ہوا۔

فیصل بن فرحان نے چین کو 430 ارب ڈالر کے تجارتی حجم کے ساتھ عرب ممالک کا سب سے بڑا تجارتی شراکت دار بھی قرار دیا اور کہا کہ عرب ممالک اور چین کے درمیان شراکت داری اور تعاون کو فروغ دینے کی باہمی خواہش ہے۔

یاد رہے کہ سعودی عرب "خوشحالی کے لیے تعاون” کے نعرے کے ساتھ دو روز تک عرب اور چینی تاجروں کی 10ویں کانفرنس کی میزبانی کر رہا ہے ،اس کانفرنس کے انعقاد کا مقصد سرمایہ کاری، معیشت اور تجارت کے شعبے میں تعاون کے مواقع کا جائزہ لینا ہے۔