سچ خبریں:فرانسیسی پولیس نے اس ملک کے دارالحکومت میں احتجاج کرنے والے دسیوں ہزار افراد کو منتشر کرنے کے لیے کالی مرچ اسپرے، لاٹھیوں اور آنسو گیس کا استعمال کیا۔
اسپوٹنک خبر رساں ایجنسی کی رپورٹ کے مطابق فرانس کے دارالحکومت پیرس میں آج ایک بڑے پیمانے پر مظاہرہ کیا گیا روزمرہ کی ضروریات زندگی کی اشیاء کی آسمان چھوتی قیمتوں، ایندھن کی کمی اور توانائی کی بلند قیمتوں کے خلاف احتجاج کرنے کے لیے لوگ سڑکوں پر آئے تو انہیں پولیس کے تشدد کا سامنا کرنا پڑا ، رپورٹ کے مطابق اس خبر رساں ادارے کی طرف سے نشر کی جانے والی تصاویر اور ویڈیوز سے ظاہر ہوتا ہے کہ فرانسیسی پولیس نے عوامی مظاہرین کو منتشر کرنے کے لیے آنسو گیس اور لاٹھی چارج کیا۔
یورو نیوز ٹی وی چینل نے بھی اس عوامی مظاہرے کی تصاویر کی منتخب کوریج کے ساتھ شرکاء کے اتنے بڑے سیلاب کو ہزاروں افراد لکھا! ، مظاہروں کے شرکاء نے تنخواہوں میں اضافے، قیمتیں مستحکم رکھنے، ریٹائرمنٹ کی عمر کم کرنے اور ماحولیاتی مسائل پر توجہ دینے کا مطالبہ کیا۔
فرانسیسی پولیس نے کہا کہ مظاہرین کی تعداد 30000 تھی جبکہ مظاہرے کے منتظمین کا اندازہ ہے کہ یہ تعداد 140 ہزار تھی، واضح رہے کہ یہ مظاہرہ نیو ایکولوجیکل اینڈ سوشل پیپلز الائنسکی دعوت پر کیا گیا جو بائیں بازو کے گروپوں پر مشتمل ہے، یاد رہے کہ پیرس کے کچھ حصوں میں پولیس نے لوگوں کو منتشر کرنے کے لیے کالی مرچ کے اسپرے کا استعمال کیا۔
