داعش کی نئی نسل کہاں پروان چڑھ رہی ہے؟

🗓️ 13 جون 2023

سچ خبریں:عراق کے قومی سلامتی کے مشیر نے اس ملک اور دنیا کی سلامتی کے خلاف شام میں واقع الہول کیمپ کے خطرات کے بارے میں خبردار کیا۔

موازین نیوز چینل کی رپورٹ کے مطابق عراق کے قومی سلامتی کے مشیر قاسم الاعرجی نے اس ملک میں عرب اور بین الاقوامی شخصیات کی موجودگی کے ساتھ ملاقات میں اس بات پر زور دیا کہ شام کا الہول کیمپ عراق اور پوری دنیا کی سلامتی کے لیے خطرہ ہے۔

انہوں نے مزید کہا کہ اس کیمپ کو ختم کیا جانا چاہیے،ہم الہول کیمپ میں داعشی خاندانوں کے بچوں کی موجودگی کا مشاہدہ کر رہے ہیں جو دہشت گردوں کی ایک نئی نسل کو دنیا کے سامنے پیش کرتے ہیں،یہ بچے دہشت گردی کا شکار ہیں۔

الاعرجی نے تاکید کی کہ داعش کے خلاف فتح کے اعلان اور اس ملک کے شہروں کو آزاد کرانے کے بعد عراقی حکومت نے اس ملک میں دہشت گردانہ کاروائیوں کے اثرات سے نجات پانے کے لیے تباہ شدہ علاقوں کی تعمیر نو کا عمل شروع کیا۔

انہوں نے واضح کیا کہ عراقی حکومت نے بارہا تاکید کی ہے کہ الہول کیمپ جس میں داعشی عناصر کے خاندان موجود ہیں، اس ملک کی سلامتی کے لیے خطرہ ہے۔

الاعرجی نے اس کیمپ سے اپنے شہریوں کو نکالنے کے لیے دنیا کے ممالک کی بین الاقوامی کوششوں کی اہمیت پر تاکید کی اور کہا کہ عراقی حکومت نے اس کیمپ سے 1369 خاندانوں کو اپنے ملک میں منتقل کیا ہے تاکہ وہ ان کا نفسیاتی علاج کروانے کے بعد معاشرے میں منتقل کیا جا سکے جن میں سے 800 خاندان عراقی معاشرے میں واپس آچکے ہیں۔

یاد رہے کہ عراقی وزیر خارجہ نے بھی کہا کہ بغداد شام میں الہول کیمپ پر خصوصی توجہ دیتا ہے، انہوں نے کہا کہ تقریباً 3000 عراقی دہشت گرد شام میں زیر حراست ہیں۔