ٹرمپ ہٹلر ہیں:ہلیری کلٹن

🗓️ 25 ستمبر 2022

سچ خبریں:ہلیری کلنٹن نے گزشتہ ہفتے اوہائیو میں ٹرمپ کی انتخابی ریلی کا موازنہ ایڈولف ہٹلر کی تقاریر سے کیا۔
فاکس نیوز کی رپورٹ کے مطابق ہلیری کلنٹن نے اوہائیو میں ٹرمپ کی انتخابی ریلی کا موازنہ جرمنی کے نازی رہنما ایڈولف ہٹلر کی تقریروں سے کیا، رپورٹ کے مطابق ٹیکساس کے شہر آسٹن میں ایک فیسٹیول میں تقریر کے دوران کلنٹن نے ہٹلر کی تقاریر کا حوالہ دیتے ہوئے کہا کہ ان تقاریر میں لوگ فوجی سلامی اور احترام کی علامت کے طور پر اپنے دائیں ہاتھ ہوا میں بلند کرتے تھے،میں نے اوہائیو میں ٹرمپ کے حامیوں کو نازی جرمن رہنما کی تقاریب میں شرکاء کی طرح ان کے سامنے کھڑے ہو کر نیز خواتین کو چیختے ہوئے اور بڑے جوش و خروش سے دائیں ہاتھ اٹھاتے ہوئے دیکھا۔

انہوں نے مزید کہا کہ اوہائیو میں ٹرمپ کی تقریر میں ان کے مداح ایک گھنٹے سے زیادہ جوش و خروش سے کھڑے رہے اور اپنے دائیں ہاتھ اٹھائے رہے جو ہٹلر کی تقاریر سے ملتا جلتا منظر تھا۔

واضح رہے کہ ٹرمپ کے دفتر نے ابھی تک کلنٹن کے اس دعوے پر کوئی رد عمل ظاہر نہیں کیا ہے لیکن ان کے ایک ترجمان نے کلنٹن کے ریمارکس کو نفرت انگیز اور تفرقہ انداز قرار دیا ہے، دریں اثنا انسائیڈر میگزین کے رپورٹر نے لکھا ہے کہ شمالی کیرولائنا کے علاقے ولمنگٹن میں ٹرمپ کی انتخابی ریلی کے دوران سکیورٹی افسران شرکاء کو اس حرکت سے روکنے کی کوشش کر رہے تھے۔