ٹرمپ کا امریکی سپریم کورٹ کے فیصلے کے بعد پہلا ردعمل

سچ خبریں:امریکی صدر ڈونلڈ ٹرمپ نے سپریم کورٹ کے اس فیصلے کے بعد عالمی برادری کو زبردست دھمکی دے دی ہے جس میں عدالت عظمیٰ نے ان کے وسیع پیمانے پر عائد کردہ محصولات (ٹیرف) کو کالعدم قرار دے دیا۔

جمعہ کی شام کو امریکی سپریم کورٹ نے 6 کے مقابلے میں 3 ووٹوں کی اکثریت سے فیصلہ دیا کہ بین الاقوامی اقتصادی ایمرجنسی پاورز ایکٹ صدر ٹرمپ کو یکطرفہ طور پر محصولات عائد کرنے کا اختیار نہیں دیتا۔ اس فیصلے کے تحت ٹرمپ کے بیشتر محصولات کو مسترد کر دیا گیا۔

عدالت کے اس فیصلے کے بعد اپنے پہلے ردعمل میں صدر ٹرمپ نے کہا کہ غیرملکی ممالک جو برسوں سے ہم سے فراڈ کر رہے ہیں، اس فیصلے پر بےحد خوش ہیں اور سڑکوں پر جشن منا رہے ہیں۔ لیکن یہ خوشی زیادہ دیر نہیں رہے گی، میں آپ کو اس کی ضمانت دیتا ہوں۔

امریکی صدر نے مزید کہا کہ آج میں ایک ایسے حکم نامے پر دستخط کروں گا جس کے تحت موجودہ محصولات کے علاوہ اضافی 10 فیصد عالمی محصولات عائد کیے جائیں گے۔

ٹرمپ نے اس موقع پر کہا کہ وہ اب ایک مختلف سمت میں جانے کا ارادہ رکھتے ہیں، غالباً اسی سمت میں جس کا آغاز انہیں پہلے ہی کر دینا چاہیے تھا۔