واشنگٹن حکام کو اپنے ملک میں بھی انسانی حقوق کے مسئلے پر توجہ دینی چاہیے: روس

?️ 13 اگست 2021

سچ خبریں:واشنگٹن میں روسی سفارت خانے نے امریکی محکمہ خارجہ کی اپنےملک پر مسلسل تنقید کے جواب میں امریکی سفارت کاروں کو مشورہ دیا کہ وہ اپنے ملک کے اندر انسانی حقوق کی صورتحال پر زیادہ توجہ دیں۔
نووستی نیوز ایجنسی کی رپورٹ کے مطابق واشنگٹن میں روسی سفارت خانے نے امریکی محکمہ خارجہ سے مطالبہ کیا کہ وہ ماسکو حکام پر تنقید کرنے کے بجائے اپنے ملک میں انسانی حقوق کی صورت حال پر توجہ دے اور امریکی سفارت کاروں کو تجویز دی کہ روسی وزارت خارجہ کی جانب سے شائع ہونے والی رپورٹ کو دیکھیں۔

واضح رہے کہ جمعرات کو روسی سفارت خانے کی طرف سےجاری کردہ ایک بیان میں کہا گیا کہ امریکی محکمہ خارجہ کی ترجمان نیڈ پرائس روس پر انسانی حقوق کی مبینہ خلاف ورزیوں پر تنقید جاری رکھے ہوئے ہیں جبکہ ہم سمجھتے ہیں کہ اب وقت آگیا ہے کہ وہ خود امریکہ کی اندرونی صورتحال اور اس ملک میں انسانی حقوق کی خلاف ورزیوں پر زیادہ توجہ دیں۔

بیان میں روسی وزارت خارجہ کی جانب سے امریکہ سمیت بعض مغربی ممالک میں انسانی حقوق کی صورت حال پر حالیہ رپورٹ میں درج کیے گئے کچھ نکات کو بھی نوٹ کیا گیا اور امریکی سفارت کاروں سے رپورٹ پڑھنے کا مطالبہ کیا گیا، واضح رہے کہ امریکی محکمہ خارجہ نے رواں ہفتے اپنے شہریوں کو مشورہ دیا تھا کہ وہ روس کے سفر سے گریز کریں، واشنگٹن حکام کے مطابق ، امریکی شہریوں کے لیے شمالی قفقاز کے علاقے بشمول چیچن ریپبلک دہشت گردی ، اغوا اور سماجی بدامنی کے خطرے کی وجہ سے اب بھی غیر محفوظ ہے۔

درایں اثنا جزیرہ نما کریمیا کا سفر جسے یوکرین کا مقبوضہ علاقہ قرار دیا گیا ہے ، امریکی شہریوں کے لیےوہاں جانا بھی ممنوع ہے،امریکہ محکمہ خارجہ نے یہ بھی کہا ہے کہ روس میں تعینات امریکی سفارت کاروں کے خاندان اس ملک کی صورتحال کی وجہ سے چاہیں تو کسی بھی وقت امریکہ واپس آ سکتے ہیں ۔