?️
نیتن یاہو کا 2026 کے اسرائیلی انتخابات میں دوبارہ امیدوار بننے کا اعلان
اسرائیلی وزیرِاعظم بنیامین نتن یاہو نے اعلان کیا ہے کہ وہ نومبر 2026 میں ہونے والے پارلیمانی انتخابات میں ایک بار پھر وزارتِ عظمیٰ کے امیدوار ہوں گے۔ یہ اعلان ایسے وقت میں سامنے آیا ہے جب وہ غزہ میں جنگی جرائم کے الزامات کے تحت بین الاقوامی فوجداری عدالت (ICC) کے تعاقب میں ہیں۔
رپورٹ کے مطابق، نتن یاہو نے ہفتے کی شب اسرائیلی چینل 14 کو دیے گئے ایک انٹرویو میں اعتماد بھرے لہجے میں کہا جی ہاں، میں امیدوار بنوں گا، اور مجھے یقین ہے کہ عوام کی حمایت سے ایک بار پھر کامیابی حاصل کروں گا۔
اسی دوران اسرائیلی چینل 11 (کان) نے انکشاف کیا ہے کہ نتنیاہو انتخابات کی تاریخ چار ماہ پہلے، یعنی جون 2026 میں منتقل کرنے کی کوشش کر رہے ہیں۔ذرائع کا کہنا ہے کہ وہ اس تاخیر کو کم کر کے اپنی سیاسی پوزیشن مضبوط بنانا چاہتے ہیں، بالخصوص اگر وہ سعودی عرب یا انڈونیشیا جیسے ممالک کے ساتھ ممکنہ امن معاہدوں پر دستخط کرنے میں کامیاب ہو جائیں۔ تاہم، اسرائیلی ذرائع نے انڈونیشیا کے ساتھ کسی پیش رفت کے امکانات کو کمزور قرار دیا ہے۔
نتنیاہو کے دوبارہ انتخاب لڑنے کے فیصلے پر اسرائیل کے اندر سخت تنقید کی جا رہی ہے۔ ناقدین کا کہنا ہے کہ غزہ میں تباہ کن جنگ اور بے گناہ شہریوں کی ہلاکتوں نے ان کی حکومت کو اخلاقی و سیاسی طور پر کمزور کر دیا ہے۔
اکتوبر 2023 سے شروع ہونے والی جنگ میں، 67 ہزار سے زائد فلسطینی شہید اور 1 لاکھ 70 ہزار سے زیادہ زخمی ہوئے، جن میں بڑی تعداد خواتین اور بچوں کی ہے۔
گزشتہ سال نومبر 2024 میں بین الاقوامی فوجداری عدالت (ICC) نے نتنیاہو اور ان کے وزیرِ دفاع یوآف گالانت کے خلاف دو گرفتاری کے وارنٹ جاری کیے تھے۔ ان پر الزام ہے کہ وہ جنگی جرائم اور انسانیت کے خلاف جرائم کے مرتکب ہوئے۔عدالت نے واضح کیا ہے کہ یہ احکامات سیاسی دباؤ کے باوجود ابھی تک برقرار ہیں اور ان پر عدالتی فیصلہ ہونے تک عمل درآمد مؤخر نہیں ہوگا۔
غزہ پر حملوں کے بعد اسرائیل میں سیاسی، اقتصادی اور عسکری سطح پر شدید بحران پیدا ہو چکا ہے۔ مقبوضہ علاقوں میں ہزاروں صہیونی باشندے نتنیاہو کے استعفے کے مطالبے کے ساتھ سڑکوں پر نکل چکے ہیں۔
نتنیاہو، جو اب تک 18 سال سے زائد عرصہ مختلف ادوار میں اسرائیل کے وزیرِاعظم رہ چکے ہیں، ایک بار پھر اقتدار کی کرسی پر واپسی کے خواہاں ہیں مگر اس بار ان کے سامنے داخلی بدعنوانی کے مقدمات اور بین الاقوامی گرفتاری کے خدشات دونوں موجود ہیں۔
سیاسی مبصرین کا کہنا ہے کہ اگرچہ نتن یاہو اسرائیلی سیاست کے تجربہ کار کھلاڑی ہیں، لیکن غزہ کی جنگ، انسانی حقوق کی پامالیوں اور عالمی عدالت کے الزامات نے ان کے سیاسی مستقبل پر ایک گہرا سایہ ڈال دیا ہے۔
Short Link
Copied
مشہور خبریں۔
فیس بک اگلے ہفتے کیا کرنے جارہا ہے؟ جانئے اس رپورٹ میں
?️ 18 جون 2021نیویارک( سچ خبریں) سوشل میڈیا پلیٹ فارم فیس بک ایسا سوشل نیٹ
جون
یوسف رضا گیلانی نے شہباز شریف کو الیکشن کی حکمت عملی سے آگاہ کیا
?️ 24 فروری 2021اسلام آباد {سچ خبریں} احتساب عدالت لاہور میں پنجاب کے سابق وزیر
فروری
برطانیہ سے اسرائیل: پرسکون رہیں
?️ 15 جون 2025سچ خبرین: ایران اور صیہونی حکومت کے درمیان کشیدگی میں اضافے کے
جون
انقرہ سے واشنگٹن تک، احمد الشرع کی خارجہ پالیسی کا تجزیہ
?️ 24 جولائی 2025انقرہ سے واشنگٹن تک، احمد الشرع کی خارجہ پالیسی کا تجزیہ شام
جولائی
ڈرامہ و ناول نگار حسینہ معین کا انتقال ہو گیا
?️ 26 مارچ 2021کراچی (سچ خبریں)مشہور اور معروف ناول نگار ، ڈرامہ نویس، مصنفہ اور
مارچ
عرب لیگ ناقابل اصلاح ہے ،اس پر امریکہ کا بہت اثر ہے:یمن
?️ 21 مئی 2023سچ خبریں:یمن کی قومی نجات حکومت کی وزارت خارجہ نے عرب لیگ
مئی
سعودی اتحاد یمنیوں میں تفرقہ پھیلانا چاہتا ہے:الحوثی
?️ 7 جنوری 2023سچ خبریں:یمن کی سپریم سیاسی کونسل کے رکن محمد علی الحوثی نے
جنوری
صیہونی شام کی صورتحال کا فائدہ اٹھا کر مزید اراضی پر قبضہ کرنا چاہتے ہیں:عرب لیگ
?️ 9 دسمبر 2024سچ خبریں:عرب لیگ نے شام کی سالمیت کی حفاظت پر زور دیتے
دسمبر