نیتن یاہوا یک بار پھر اپنی عدالتی سماعت منسوخ کرانے کی کوشش میں

?️ 12 دسمبر 2025

نیتن یاہوا یک بار پھر اپنی عدالتی سماعت منسوخ کرانے کی کوشش میں

اسرائیلی وزیرِاعظم نیتن یاہو نے ایک بار پھر اپنی اگلی عدالتی سماعت جو پیر کو مقرر ہے منسوخ کرنے کی درخواست دائر کر دی ہے، اور اس بار وجہ کے طور پر ایک ہنگامی سیاسی و سکیورٹی اجلاس کا حوالہ دیا ہے۔

اسرائیلی روزنامہ الاتحاد کے مطابق، نیتن یاہو نے اس سے قبل بھی متعدد بار اسی نوعیت کے بہانوں پر عدالت سے سماعتیں مؤخر یا مختصر کرنے کی درخواستیں کی ہیں۔

گزشتہ روز کی کارروائی میں عدالت کے ماحول میں اس وقت کشیدگی پیدا ہوئی جب صہیونی ہلاک شدگان کے اہلِخانہ احتجاجی پلے کارڈز کے ساتھ اچانک عدالت میں داخل ہوئے۔ اس صورتحال کے بعد جج ریفکا فریڈمین – فلدمن نے کہا کہ اگلی سماعت مختصر کر دی گئی ہے اور اب وہ صبح ۹ سے دوپہر ۱۲ بجے تک جاری رہے گی، جب کہ پہلے اس کا دورانیہ دوپہر ۲ بجے تک مقرر تھا۔

رپورٹ کے مطابق، تین روز قبل بھی نیتن یاہو نے ’’سیاسی ایمرجنسی‘‘ کا بہانہ بنا کر ایک سماعت منسوخ کروائی۔ اس سے پہلے بھی وہ ’’سکیورٹی بریفنگ‘‘ کے نام پر اپنی گواہی مؤخر کروانے کی کوشش کر چکے، لیکن اسی دن وہ اپنے وزیرِجنگ یسرائیل کاتس کے ساتھ فوجی مراکز کا دورہ کرتے اور پھر اسپتال میں زخمی فوجیوں سے ملاقات کرتے ہوئے دیکھے گئے۔