مقبوضہ فلسطین میں خوفناک دھماکہ؛1 صیہونی ہلاک

?️ 15 فروری 2022

سچ خبریں:مقبوضہ فلسطین کے عسکلان علاقے میں ایک کار دھماکہ ہوا جس کے نتیجہ میں ایک صیہونی ہلاک جبکہ متعدد زخمی ہوئے۔
مقبوضہ فلسطین کے عسکلان کے ایک محلے میں ایک کار میں ہوئے دھماکے میں یک صیہونی ہلاک ہوگیا۔ یہ دھماکہ اتوار کی رات کو ہوا، جس میں متعدد صیہونی زخمی بھی ہوئے ہیںماس واقعے سے مربوط مزید تفصیلات ابھی سامنے نہیں آئی ہے لیکن صیہونی پولیس کا کہنا ہے کہ وہ اس واقعے کی تحقیقات کر رہی ہے۔

یادرہے کہ یہ واقعہ ایسی صورتحال میں پیش آیاہے جبکہ اسرائیلی جیلوں میں فلسطینی قیدیوں کی حالت اور انکی بڑھتی گرفتاری اور قید کے بعد فلسطینی عوام کی مزاحمت میں مزید شدت پیدا ہو گئی ہے اور فلسطین کی مزاحمتی و استقامتی تنظیموں نے صیہونی حکومت کو خبردار کیا ہے کہ وہ اپنی حرکتوں سے باز آجائے ورنہ اُسے جوابی اور انتقامی اقدامات کا سامنا کرنا پڑے گا۔

فلسطینی مزاحمتی تحریک نے صیہونیوں کو سخت انتباہ دیتے ہوئے کہا کہ جارحیت جس قدر زیادہ ہوگی اس کا رد عمل بھی اتنا ہی شدید ہوگا جس کی ذمہ داری غاصب صیہونی پر عائد ہوگی اور اسے ایک بار پھر سیف القدس کا منظر دیکھنے کو ملے گا نیز اس بار بھاگنے کے لیے جگہ بھی نہیں ملے گی۔