مغربی کنارے میں مزاحمتی کارروائیوں میں شدت

?️ 9 ستمبر 2022

سچ خبریں:مغربی کنارے کے مختلف علاقوں میں مزاحمتی کارروائیوں میں شدت آنے کے بعد نابلس کے جنوب میں فلسطینی مجاہدین کے ہاتھوں ایک صہیونی آبادکار زخمی ہوگیا۔

فلسطین الیوم نیوز سائٹ کے مطابق مغربی کنارے میں گزشتہ 24 گھنٹوں کے دوران مزاحمتی کارروائیوں میں تیزی آئی ہے، مغربی کنارے کے مختلف علاقوں میں 4 شوٹنگ آپریشنز نیز فلسطینیوں کی صہیونی فوجیوں اور آباد کاروں کے ساتھ 12 جھڑپیں ریکارڈ کی گئیں۔

واضح رہے کہ ان مزاحمتی کارروائیوں میں اسرائیلی فوجیوں اور دو آبادکاروں کے زخمی ہونے، دو دیسی ساختہ بموں اور چار آگ لگانے والی بوتلوں کے پھٹنے، آباد کاروں پر پانچ حملے اور ان کی دو کاروں کی تباہی ریکارڈ کی گئی۔

عبرانی زبان کے ذرائع ابلاغ نے یہ بھی اعلان کیا کہ مغربی کنارے کے مختلف علاقوں میں صیہونی آباد کاروں کی گاڑیوں پر پتھراؤ، آگ لگانے والی بوتلیں اور دستی بم پھینکے جانے کے 21 واقعات پیش آئے، جس سے جانی اور مالی نقصان ہوا۔

اس رپورٹ کے مطابق تازہ ترین کارروائی میں مقبوضہ مغربی کنارے میں نابلس شہر کے جنوب میں حوارہ کے علاقے کے قریب فلسطینی مجاہدین نے جمعہ کی صبح ایک صہیونی آبادکار کو زخمی کر دیا۔

صہیونی فوج کے ترجمان نے اس خبر کی تصدیق کرتے ہوئے اعلان کیا کہ رات کو حوارہ کے علاقے میں ایک فلسطینی کار سے اسرائیلی کار کی طرف فائرنگ کی اطلاع موصول ہوئی ہے، اس واقعے کے نتیجے میں اسرائیلی کار کی کھڑکیوں کے شیشے ٹوٹ گئے اور ایک آباد کار زخمی ہوگیا۔