مغربی پابندیوں کا ہمیشہ الٹا اثر

?️ 7 اپریل 2022

سچ خبریںآسٹریلوی اسٹریٹیجک پالیسی کے ایک سینٹر کا کہنا ہے کہ تاریخ نے ثابت کیا ہے کہ دوسرے ممالک کے خلاف مغربی پابندیاں اکثر الٹا اثر کرتی ہیں۔
آسٹریلین انسٹی ٹیوٹ فار اسٹریٹیجک پالیسی نےاپنی ایک تجزیاتی رپورٹ میں لکھا ہے کہ تاریخ نے ثابت کیا ہے کہ وینزویلا، ایران اور روس کے ساتھ ساتھ دیگر ممالک کے خلاف مغربی پابندیوں کا اثر الٹا ہوتا ہے،رپورٹ کے مطابق امریکی صدر جو بائیڈن نے گزشتہ ہفتے اعلان کیا تھا کہ امریکہ اپنے تیل کے ہنگامی ذخائر کو استعمال کرے گا تاکہ روس کے خلاف پابندیوں کے امریکی معیشت پر پڑنے والے اثرات کو کم کیا جا سکے۔

انھوں نے کہا کہ اس اقدام سے پٹرول کی قیمتوں پر کچھ دباؤ کو کم کرنے میں مدد ملے گی، تاہم ہمیں مزید کچھ کرنے کی ضرورت ہے اور بائیڈن انتظامیہ نے ایران اور وینزویلا کے خلاف پابندیوں کو کم کرنے کی کوشش کی ہے، رپورٹ میں مزید کہا گیا ہے کہ اگر امریکی پابندیوں کی پالیسی اجازت دیتی ہے، تو وینزویلا اور ایران تیل پیدا کرنے والے صرف دو ممالک ہیں جن کے پاس روسی تیل کی سپلائی میں ہونے والے نقصان کو پورا کرنے کی قابل قدر اضافی صلاحیت ہے۔

آسٹریلوی انسٹی ٹیوٹ نے مزید کہا کہ حالیہ برسوں میں امریکہ نے وینزویلا اور ایرانی ٹینکرز کو سمندر سے پکڑا ہے، ان کے مواد کی نیلامی کی ہے اور اس سے حاصل ہونے والی رقم امریکی دہشت گردی کے متاثرین کے لیے ایک فنڈ میں عطیہ کی ہے۔