مشرقی افغانستان میں دھماکہ/ 10 افراد ہلاک

سچ خبریں:افغانستان کے مشرقی صوبے پکتیکا میں ایک بم دھماکے کے نتیجے میں 10 افراد ہلاک ہو گئے۔

اسپوٹنک خبر رساں ایجنسی کی رپورٹ کے مطابق مشرقی افغانستان میں واقع صوبہ پکتیکا میں آج ہونے والے دھماکے کے نتیجے میں 10 افراد اپنی جانوں سے ہاتھ دھو بیٹھے، اس حوالے سے افغانستان کے مقامی ذرائع نے اعلان کیا ہے کہ صوبہ پکتیکا میں ایک موٹر سائیکل میں دھماکہ ہوا ہے۔

ان ذرائع نے اسپوٹنک کو بتایا کہ برمل علاقے کے مرگھی گاؤں میں دھماکہ ایک موٹر سائیکل میں نصب بارودی مواد کی وجہ سے ہوا تاہم طالبان گروپ نے ابھی تک اس معاملے پر کوئی تبصرہ نہیں کیا ہے، اس کے علاوہ کسی شخص یا گروہ نے بھی اس واقعے کی ذمہ داری قبول نہیں کی ہے۔