فلپائن میں فوجی طیارہ گر کر تباہ ،کم از کم 17 افراد ہلاک

?️ 4 جولائی 2021

سچ خبریں:فلپائنی مسلح افواج کے کمانڈر کے مطابق اس ملک کی فضائیہ کا طیارہ 92 افراد کے ساتھ اس ملک کے جنوبی صوبے میں گر کر تباہ ہوگیا جہاں اب تک 17 افراد کی لاشوں کی اطلاع موصول ہوئی ہے، فلپائن کی مسلح افواج کے کمانڈر کے مطابق 92 افراد پر مشتمل ایک طیارہ گر کر تباہ ہوگیا ہے،سی این این نے بتایا ہے کہ سی -130 نے اطلاع دی ہے کہ فلپائنی فضائیہ سے تعلق رکھنے والا سی -130 طیارہ ملک کےجنوبی صوبے سولو میں آج مقامی وقت کے مطابق صبح 8 بجے گر کر تباہ ہوگیا۔

ا سپوٹنک کے مطابق یہ واقعہ اس وقت پیش آیا جب چار انجنوں والے ٹربوپروپ فوجی طیارے نے صوبہ سولو کے جولو جزیرے پر اترنے کی کوشش کی،فلپائن فوج کے کمانڈر سیرلیٹو سبزانہ نے بتایا کہ امدادی کارکنوں نے 40 افراد کو سی -130 کے جلتے ہوئے ملبے سے بچایا ہے اور جہاز میں موجود دیگر افراد کو بچانے کے لئے امدادی کاروائیاں جاری ہیں، ان کے مطابق ، یہ حادثہ طیارے کو رن وے نہ ملنے کی وجہ سے ہوا ہے۔

نیویارک ٹائمز کی اطلاع ہے کہ اب تک 17 افراد کی لاشیں ملی ہیں اور ہلاکتوں کی تعداد میں اضافے کا خدشہ ہے، فلپائن کے وزیر دفاع ڈولف لورین زنا نے روئٹرز کو بتایا کہ جہاز میں موجود 92 مسافروں میں تین پائلٹ اور عملے کے پانچ دیگر ممبر شامل ہیں ، واضح رہے کہ جون میں فلپائنی ایئر فورس کا ایس 707 بلیک ہاک ہیلی کاپٹر منیلا کے شمال میں تربیتی پرواز کے دوران گر کر تباہ ہوگیا تھا، اس حادثے میں سوار تمام چھ افراد ہلاک ہوگئے تھے۔