فلسطینیوں کی حمایت میں العربیہ چینل کے نامہ نگار کا اہم قدم

?️ 11 اپریل 2021

سچ خبریں:فلسطین اور صیہونی حکومت کے بارے میں سعودی چینل العربیہ کی پالیسی کے احتجاج میں اس چینل کے ایک فوٹوگرافر اور رپورٹر نے استعفیٰ دے دیا۔
العربیہ کے فلسطینی فوٹو گرافر اور رپورٹر معتصم سقف الحیط نے گذشتہ رات اپنے فیس بک پیج پر لکھا کہ اب وہ العربیہ چینل کے لئے کام نہیں کریں گے، دنیا الوطن ویب سائٹ کے مطابق انہوں نے لکھاکہ فلسطین کے معاملے پر العربیہ کی غیر پیشہ ورانہ پالیسی کے پیش نظر ، میں العربیہ فلسطین (العربیہ چینل کی ذیلی برانچ) کے ساتھ بطور نیوز فوٹو گرافر اپنے کام کے خاتمے کا اعلان کر رہا ہوں۔

واضح رہے کہ فلسطینی صحافی کا استعفیٰ اس کے بعد سامنے آیا جب العربیہ نے ایک رپورٹ میں یہ دعوی کیا کہ ایک رہا شدہ فلسطینی قیدی منصور شحاتیت کو صیہونیوں نے نہیں بلکہ فلسطینی قیدیوں نے زد وکب کیا جس کی وجہ وہ اپنی یاداشت کھو بیٹھے،یادرہے کہ گذشتہ ہفتے صہیونی حکومت نے مغربی کنارے سے 17 سال قید میں رہنے کے بعد منصور شحاتیت کو رہا کیا ،تاہم رہائی کے بعد وہ اپنے کنبہ کے افراد ، والدہ اور بھائیوں کو پہچان نہیں سکے۔

العربیہ نے اپنی رپورٹ میں دعوی کیا کہ حماس کے حامی فلسطینی قیدیوں نے شحاتیت کے ساتھ تنازعہ کے سبب انھیں اس حد تک زد وکوب کیا کہ وہ اپنی یادداشت سے محروم ہوگئے، فلسطینی جرنلسٹ یونین نے بھی معتصم سقف الحیط کے اس فیصلہ کو سراہتے ہوئے العربیہ کے دعوے کی مذمت کی،یادرہے کہ میڈیا اور ورچوئل نیٹ ورک جیسے ٹویٹرمیں العربیہ کے مخالفین بعض اوقات صہیونی حکومت کی حمایت کے سبب اس سعودی چینل کو العربیہ کہتے ہیں۔