فرانسیسی حکومت کا مزید مساجد کو بند کرنے پر غور

?️ 5 اکتوبر 2022

سچ خبریں:فرانس میں 24 مساجد کو بند کیے جانے کے باوجود فرانسیسی رہنما اس ملک میں مزید مساجد کی مساجد کو بند کرنے کے لیے کوشاں ہیں۔

ترکی کی اناطولیہ نیوز ایجنسی نے اطلاع دی ہے کہ فرانسیسی دائیں بازو کی سیاست دان مارین لی پین نے فرانسیسی وزیر داخلہ جیرالڈ ڈرامانان سے کہا کہ وہ اس ملک میں مزید مساجد بند کر دیں، لی پین نے دعویٰ کیا کہ گزشتہ 2 سالوں میں 24 مساجد کو بند کرنا ناکافی ہے۔

اس فرانسیسی سیاست دان نے فرانسیسی ٹیلی ویژن چینل(BFMTV) سے گفتگو کرتے ہوئے مزید کہا کہ وزیر داخلہ کبھی یہاں ایک مسجد اور وہاں ایک مسجد بند کرتے ہیں جبکہ انہیں ہماری سرزمین پر تمام مساجد کو بند کر دینا چاہیے نیز تمام انتہا پسندانہ سوچ رکھنے والے مسلمانوں کو فرانس سے بے دخل کردینا چاہیے۔

واضح رہے کہ فرانسیسی حکومت نے دہشت گردی کے خلاف جنگ کے بہانے گزشتہ دو سالوں میں 99 مساجد کو کڑی نگرانی میں رکھا ہے اور 24 مساجد کو بند کیا ہے جب کہ کہا جا رہا ہے کہ متعدد دیگر مساجد کو بھی بند کرنے کے لیے ضروری اقدامات کیے جا رہے ہیں اور یہ کام فرانس کے وزیر داخلہ کے حکم کے مطابق جلد کیا جائے گا جس کی وجہ سے اس ملک کے مسلمانوں میں شدید غم و غصہ پایا جاتا ہے۔