غزہ میں بھوک اور جنگ سے بچوں کی ہلاکتون کے بارے میں اقوام متحدہ کا لرزہ خیز انکشاف

غزہ میں بھوک اور جنگ سے بچوں کی ہلاکتون کے بارے میں اقوام متحدہ کا لرزہ خیز انکشاف

 اقوام متحدہ کے ریلیف اینڈ ورکس ایجنسی برائے فلسطینی پناہ گزین (اونروا) کے کمشنر جنرل فیلیپ لازارینی نے خبردار کیا ہے کہ غزہ کی انسانی صورتحال بدترین بحران کی حد تک پہنچ چکی ہے، جہاں بھوک، محاصرے اور فضائی حملوں نے ہزاروں بچوں کو موت یا معذوری کے دہانے پر پہنچا دیا ہے۔

بدھ کو جاری بیان میں لازارینی نے کہا کہ کم از کم 100 بچے غذائی قلت اور بھوک سے جاں بحق ہو چکے ہیں، جب کہ 40 ہزار سے زائد بچے اسرائیلی بمباری اور فضائی حملوں میں شہید یا زخمی ہوئے ہیں۔

ان کے مطابق، 17 ہزار سے زیادہ بچے اپنے والدین سے محروم یا خاندان سے جدا زندگی گزارنے پر مجبور ہیں، اور تقریباً 10 لاکھ بچے شدید نفسیاتی صدمے میں مبتلا ہیں اور تعلیم سے محروم ہیں۔ انہوں نے عالمی برادری کی بے حسی پر کڑی تنقید کرتے ہوئے کہا:

جب بچے مر رہے ہوں یا ان کا مستقبل چھینا جا رہا ہو، تو خاموشی اختیار کرنا جرم ہے۔لازارینی کے مطابق یہ صورتحال نہ صرف موجودہ نسل بلکہ فلسطینی قوم کی آنے والی نسلوں کے مستقبل کو بھی تباہ کر رہی ہے۔

7 اکتوبر 2023 سے جاری اسرائیلی جارحیت میں رہائشی علاقوں، اسکولوں، اسپتالوں، پناہ گزین کیمپوں اور امدادی مراکز کو بارہا نشانہ بنایا گیا ہے۔ حالیہ مہینوں میں، اسرائیل نے امریکہ کے ساتھ مل کر نام نہاد "انسانی ہمدردی کی امداد” کا ڈھانچہ بنایا، جس کے تحت غزہ کے بھوکے اور محتاج شہریوں کو مخصوص مقامات پر بلایا جاتا ہے اور پھر انہی جگہوں پر فائرنگ یا بمباری کی جاتی ہے۔

ان حملوں میں درجنوں فلسطینی براہِ راست تک تیر اندازوں یا ڈرون حملوں کا نشانہ بنے۔ انسانی حقوق کی تنظیموں نے اسے موت کا جال قرار دیا ہے۔

بین الاقوامی ماہرین اور انسانی حقوق کے ادارے ان اقدامات کو واضح تدریجی نسل کشی قرار دیتے ہیں۔ تاہم، دستاویزی ثبوتوں اور رپورٹس کے باوجود، اسرائیلی جرائم کو امریکی سیاسی و فوجی پشت پناہی حاصل ہے اور عالمی برادری کی بے عملی اس المیے کو مزید طول دے رہی ہے۔