شہید سید حسن نصراللہ، ایک ایسا رہنما جو تمام آزاد انسانوں کے دلوں میں بسا ہوا ہے

شہید سید حسن نصراللہ، ایک ایسا رہنما جو تمام آزاد انسانوں کے دلوں میں بسا ہوا ہے

مزاحمتی گروہوں نے اپنے بیان میں کہا کہ شہید سید حسن نصراللہ نے اپنی زندگی عزت، شجاعت اور استقامت کے ساتھ گزاری اور میدانِ جہاد میں جام شہادت نوش کیا۔ ان کا اسلحہ ایمان تھا، ان کی آواز حق کی گواہی تھی اور ان کا پرچم وعدہ صادق کا نشان تھا، جو کبھی اصولوں سے پیچھے نہ ہٹے اور مشکلات و دشمنوں سے نہ گھبرائے۔

بیان میں مزید کہا گیا کہ اگرچہ ان کا جسمانی وجود اب ہمارے درمیان نہیں، لیکن ان کی روح اور فکر آج بھی امت مسلمہ اور تمام آزاد انسانوں کے دلوں کو روشنی بخش رہی ہے۔ ان کا خون فلسطین کی راہ میں بہہ کر تاریخ کا نیا باب رقم کر گیا۔

مزاحمتی گروہوں کے مطابق سید حسن نصراللہ کی بصیرت اور حکمت عملی نے نہ صرف صہیونی دشمن کے غرور کو توڑا بلکہ امت کو قدس و فلسطین کی جانب رہنمائی دینے والا چراغ بھی روشن کیا۔ وہ رہنما جو اپنے عزم، بصیرت اور استقامت کے ذریعے استعماری طاقتوں کے مقابل ڈٹ گئے اور صہیونی ریاست کے جھوٹے دعووں کو بے نقاب کیا۔

بیان کے آخر میں فلسطینی کمیٹیوں نے کہا سلام ہو اس رہبر پر جس نے عروج پا کر اپنا نام ہمیشہ کے لیے جہاد، مزاحمت اور خدا کی حتمی نصرت پر ایمان کی علامت بنا دیا۔ ہم ان کے مشن اور وعدے پر قائم رہیں گے۔