غزہ جنگ کے بعد نیتن یاہو کا کیا بنے گا؟صیہونی اخبار کی زبانی

?️ 25 اکتوبر 2023

سچ خبریں: صیہونی اخبار ہارٹیز نے غزہ کے ساتھ جنگ ​​کے بعد بنیامین نیتن یاہو کو وزارت عظمیٰ سے ہٹانے کے لیے لیکوڈ پارٹی کے اراکین کے اتفاق رائے کا اعلان کرتے ہوئے لکھا کہ ان کے برے فیصلوں سے ان کی پارٹی کے ساتھی ممبران بھی ان کی کارکردگی کا دفاع نہیں کر سکتے۔

صیہونی اخبار ہارٹیز نے اپنی ایک نئی رپورٹ میں صیہونی حکومت کے وزیر اعظم بنیامین نیتن یاہو کی لیکوڈ پارٹی میں بھی مخالفت ہونے کا ذکر کرتے ہوئے لکھا ہے کہ غزہ جنگ کے بعد ان کی روانگی کے بارے میں سب میں اتفاق رائے پایا جاتا ہے۔

یہ بھی پڑھیں: لندن تک پہنچیں نتین یاہو کی بدعنوانیاں

عرب48 نیوز سائٹ کی رپورٹ کے مطابق، ہاریٹز نے اپنی میں لکھا ہے کہ دو ہفتے قبل حماس کے اسرائیل پر حملے کے آغاز میں لیکوڈ پارٹی کے اراکین کا خیال تھا کہ نیتن یاہو اپنی فتح کی تصویر دکھائیں گے اور اپنے آپ کو طاقتور لیڈر بنا کر پیش کریں گے۔

صیہونی اخبار نے مزید لکھا کہ موجودہ صورتحال کے بعد ان کی پارٹی کے ساتھی ارکان نے بھی ان دفاع کرنا چھوڑ دیا ہے، لیکوڈ کے ایک وزیر کا کہنا ہے کہ پچھلے دو سالوں میں نیتن یاہو کا ہر فیصلہ برا تھا جس میں عدلیہ میں اصلاحات یا اسے کمزور کرنے کا منصوبہ بھی شامل ہے،ان معاملات میں یا تو انہوں نے فیصلے کیے ہی نہیں یا یا غلط کیے ہیں۔

مزید پڑھیں: نتین کی بے چارگی؛برطانوی اخبار کی زبانی

ہارٹیز نے نیتن یاہو کے اقتدار سے ہٹائے جانے کے بارے میں بھی لکھا کہ اس حقیقت پر اتفاق رائے ہے کہ نیتن یاہو جنگ کے بعد چلے جائیں گے،لیکوڈپارٹی کے اراکین اب پارٹی کو بچانے کے لیے نیتن یاہو کو شو روم میں رکھنے کی تیاری کر رہے ہیں ،اگر نیتن یاہو سدھرے نہیں تو دوسرے ان کے لیے فیصلہ کریں گے۔