عراق میں داعش کا ایک سرغنہ گرفتار

?️ 12 اپریل 2021

سچ خبریں:عراقی ذرائع نے مغربی عراقی صوبہ انبار میں شہر فلوجہ کے شمال میں ایک داعشی رہنما کی گرفتاری کی اطلاع دی ہے۔
بغداد الیوم کی رپورٹ کے مطابق نینوا آپریشنز کمانڈ سے وابستہ عراقی سکیورٹی ذرائع نے پیر کو شمالی شہر فلوجہ میں ایک بر وقت آپریشن میں داعش کے ایک اعلی رہنما کی گرفتاری کا اعلان کیا، ذرائع نے بتایاکہ سکیورٹی فورسز نے فلوجہ کے شمال میں واقع الصقلاویہ ضلع میں مختلف محلوں میں بڑے پیمانے پر حملہ اور تلاشی لی جس میں یہ دہشتگرد گرفتار ہوا۔

واضح رہے کہ یہ اس وقت ہوا جب ایک داعشی رہنما سکیورٹی فورسز اور عام شہریوں کے خلاف دہشت گردی کی کاروائیاں کرنے کے لئے علاقے میں داخل ہوا، ایک عراقی سکیورٹی ذرائع نےاپنا نام ظاہر نہ کرنے کی شرط پر بات کرتے ہوئے کہا کہ سکیورٹی فورسز نے داعشی رہنما کوکسی مزاحمت کے بغیر حراست میں لے لیا۔

ایک عراقی ذرائع نے بتایا کہ یہ داعشی دہشتگرد تکفیری تسلط کے دوران انبار کے متعدد علاقوں میں سکیورٹی فورسز کے خلاف کاروائیوں میں ملوث تھا، عراقی ذرائع نے اطلاع دی کہ سخت حفاظتی اقدامات کے درمیان داعش کےاس رہنما کو تفتیش کے لئے تفتیشی مرکز میں منتقل کیا گیا ،واضح رہے کہ اگر عراق حکومت سے داعش کے خاتمہ کا اعلان کر چکی ہے تاہم اس دہشتگرد تنظیم باقی ماندہ عناصر ملک کے مختلف حصوں میں آئے دن عام شہریوں اور سکیورٹی فورسز کو نشانہ بناتے رہتے ہیں جن کے لیے انھیں امریکہ کی مکمل پشت پناہی حاصل ہے لیکن ادھر عراقی عوامی تنظیم الحشد الشعبی نے اپنے ملک کو دہشتگردوں کے پاک کرنے کی ٹھان رکھی ہے جس کے لیے وہ متعدد علاقوں میں کاروائیاں کررہی ہےاور اب تک سیکڑوں دہشتگردوں کو ہلاک یا گرفتار کر چکی ہے،یہی وجہ ہے امریکہ کو یہ تنظیم نہیں بھاتی ہے اور اس کی آنکھ کا کانٹا ہے۔