صیہونی فوجیوں کے ہاتھوں فلسطینی لڑکی کی شہادت

?️ 12 اپریل 2022

سچ خبریں:فلسطینی وزارت صحت نے بتایا کہ الخلیل شہر میں ابراہیمی مسجد کے قریب اسرائیلی فوج کی فائرنگ سے ایک فلسطینی لڑکی کی شہادت ہوئی۔
فلسطینی وزارت صحت نے الخلیل میں ابراہیمی مسجد کے قریب اسرائیلی فوج کی فائرنگ کے نتیجے میں ایک فلسطینی لڑکی کی شہادت کا اعلان کرتے ہوئے کہا کہ تا حال شہید ہونے والی فلسطینی لڑکی کی شناخت نہیں ہو سکی ہے۔

اسی دوران فلسطینی ذرائع نے مغربی کنارے میں واقع الخلیل شہر کی الشہداء اسٹریٹ پر اسرائیلی فوج کی وسیع پیمانے پر تعیناتی کی اطلاع دی، ذرائع نے بتایا کہ صہیونی فوج نے مسجد ابراہیمی کو بند کر دیا ہے۔

المیادین نے اطلاع دی ہے کہ الخلیل میں واقع ابراہیمی مسجد کے قریب ایک صیہونی آبادکار شہادت طلبانہ کارروائی میں زخمی ہوا، صہیونی میڈیا نے یہ بھی دعویٰ کیا ہے کہ فلسطینی لڑکی نے صہیونی سرحدی محافظین کے ایک اہلکار کو چاقو مارا تھا۔

یاد رہے کہ حالیہ مہنیوں میں جہاں فلسطینیوں کے خلاف صیہونیوں کے مظالم میں اضافہ ہورہا ہے وہیں فلسطینیوں کی جانب سے بھی قابضین کو دندان شکن جواب دیا جا رہا ہے جس کی مثال حالیہ دنوں میں ہونے والی متعدد شہادت طلبانہ کاروائیوں میں دیکھنے ملتی ہے جن سے صیہونی حکام اور عام شہریوں میں تشویش کی لہر دوڑ گئی ہے۔