صیہونی صرف مسلمانوں ہی کے نہیں عیسائیوں کے بھی دشمن

?️ 1 مئی 2021

سچ خبریں:مقبوضہ بیت المقدس میں صہیونی سکیورٹی فورسز کی عیسائیوں کے ساتھ جھڑپیں ہوئیں اور انہیں رستاخیز چرچ میں داخل ہونے کی اجازت نہیں دی۔
الجزیرہ چینل کی رپورٹ کے مطابق مقبوضہ بیت المقدس میں صیہونیوں کی مسلمانوں کے ساتھ جھڑپوں کے بعد آج صہیونی حکومت کے سکیورٹی ایجنٹوں نے مقبوضہ بیت المقدس میں عیسائیوں پر حملہ کیا،یادرہے کہ مقبوضہ بیت المقدس میں صیہونیوں اور عیسائیوں کے درمیان جھڑپیں اس وقت پھیل گئیں جب ان کے ایک گروہ نے ایک مذہبی تقریب منانے کے لیے رستاخیز چرچ میں داخل ہونے کی کوشش کی تھی۔

واضح رہے کہ رستاخیز چرچ اس شہر کے ایک مقدس ترین عیسائی مقامات میں سے ایک ہے ، جہاں ہر سال ایک خصوصی تقریب کا انعقاد ہوتا ہے،فلسطینی ذرائع نے پہلے بھی بتایا تھا کہ بیت المقدس کے شمالی داخلی راستے پر فلسطینی نوجوانوں اور اسرائیلی فوج کے درمیان جھڑپیں ایک بار پھر شروع ہوگئیں،واضح رہے کہ صہیونی حکام مقبوضہ بیت المقدس کو یہودیہ بنانے اور مسلمانوں اور عیسائیوں کو شہر سے نکالنے کی کوشش کر رہے ہیں۔

یادرہے کہ حالیہ دنوں میں اردن اور مصر سمیت مختلف ممالک کے عہدیداروں نے فلسطینیوں کے خلاف اسرائیلی کاروائیوں کے بارے میں متنبہ کیا ہے اور تل ابیب سے ان کی روک تھام کا مطالبہ کیا ہے،تاہم صیہونی عہدہ داروں پر ا س کا کوئی اثر نہیں ہوا ہے اس لیے کہ انھیں معلوم ہے کہ اقوام متحدہ سمیت تقریبا پوری عالمی برادری ان کے حق میں ہے اور وہ جو بھی کریں کوئی پوچھنے والا نہیں جس سے ان کی اور ہمت بڑھ گئی ہے۔