صیہونی بستیوں پر 180 راکٹ فائر

?️ 7 اگست 2022

سچ خبریں:خبر رساں ذرائع نے غزہ کی صہیونی بستیوں میں خطرے کی گھنٹیاں بجنے کی اطلاع دیتے ہوئے بتایا ہے کہ اسرائیلی فوج کے ترجمان نے اعلان کیا کہ غزہ سے صہیونی بستیوں پر 160 راکٹ فائر کیے گئے۔
جمعہ کی شام صیہونی حکومت نے غزہ کی پٹی اور فلسطینی تحریک جہاد اسلامی جہاد کے خطرے کو روکنے کے بہانے غزہ شہر میں ایک رہائشی اپارٹمنٹ کو نشانہ بنایا جس میں اس تحریک کے ایک کمانڈر ، خواتین اور بچوں سمیت متعدد افراد شہید ہو گئے۔ اس حملے میں درجنوں فلسطینی شہری زخمی بھی ہوئے جبکہ مزاحمتی فورسز نے حملے کی مذمت کرتے ہوئے بدلہ لینے کا وعدہ کیا ۔

واضح رہے کہ صیہونی حملے کی مختلف ممالک اور شخصیات کی جانب سے وسیع پیمانے پر مذمت کے چند گھنٹے بعد غزہ میں مزاحمتی تحریک نے جنگ بندی کے خاتمے کا اعلان کرتے ہوئے مقبوضہ علاقوں کی بستیوں اور صہیونی علاقوں کو اپنے راکٹوں سے نشانہ بنایا جس کے بعد تل ابیب سمیت بیشتر علاقے خطرے کے سائرن کی آواز سے گونج اٹھے۔

یاد رہے کہ غزہ کی پٹی کے قریب زکیم، عسقلان، هتیف هاسعره، یار مردخای، سدیروت، اشکول، عین هبسور اور بئیری کے قصبوں نے ایک بار پھر اپنی آنکھوں کے سامنے گزشتہ غزہ جنگ کا ڈراؤنا خواب دیکھا، جہاد اسلامی کی عسکری ونگ سرایا القدس نے اعلان کیا کہ اس نے دشمن کے ٹھکانوں پر 100 سے زیادہ راکٹ فائر کیے ہیں۔