سچ خبریں:فلسطینی ذرائع نے بتایا ہے کہ اسرائیلی فورسز نے یروشلم اور جنین میں پانچ فلسطینیوں کو شہید کیاجس کے بعد مزاحمتی گروہوں کے حملوں سے بچنے کے لیے غزہ کی سرحد پرتعینات صیہونی فوج میں ہائی الرٹ جاری کردیا گیا ہے۔
العہد کے مطابق صیہونی حکومت کے فوجیوں نے مقبوضہ بیت المقدس کے شمال مغرب میں واقع بیت عنان قصبے پر حملہ کیا، اس حملے کے بعد صیہونیوں اور فلسطینیوں کے درمیان شدید جھڑپیں ہوئیں،درایں اثنافلسطینی اتھارٹی نے آج اتوار کو قابض صہیونی ملیشیا کی جانب سے قدس” اور جنین میں کیے گئے جرائم جن کے نتیجے میں صہیونی حکومت کی جارحیت اور فلسطینی عوام کے خلاف جرائم کے تسلسل کے طور پر سات فلسطینی شہری شہید ہوئے، کی مذمت کی ۔
پی اے نے اس بات پر بھی زور دیا کہ صیہونی حکومت کی جارحانہ پالیسیوں کا تسلسل صورتحال کو مزید بڑھا دے گا نیز کشیدگی اور عدم استحکام میں بھی اضافہ کرے گا،یہ اعلان کرتے ہوئے کہ اس کشیدگی اور اس کے نتائج کی ذمہ داری براہ راست صہیونی حکومت پر عائد ہوتی ہے ، اس تنظیم نے عالمی برادری پر زور دیا کہ وہ فلسطینی عوام کے خلاف صہیونی حکومت کے جرائم کے خلاف اپنی خاموشی توڑ دے اور قصورواروں کو سزا دینے کے لیے فوری اقدامات کرے۔
اسرائیلی فوج میں غزہ کی پٹی کی سرحد پر فلسطینی مزاحمتی گروپوں کے راکٹ حملوں کے لیے ہائی الرٹ جاری کر دیا گیا ہےنیز آئرن ڈوم سسٹم کو بھی فعال کر دیا گیا ہے،ادھر حماس تحریک کے ترجمان عبداللطیف القانو نے کہاکہ آج صبح قدس اور جنین میں شہید ہونے والوں کا خون صہیونی قابضین کے خلاف ہماری قوم کے انقلاب کو جاری رکھنے اور ہماری سرزمین سے ان کے خاتمے کے لیے ایندھن ہے،ہم قابضین کے ظلم سے شکست نہیں کھائیں گے۔
