صیہونیوں کے ہاتھوں غزہ بینک میں لوٹ مار

?️ 12 فروری 2024

سچ خبریں: ایک صیہونی اخبار نے صیہونی حکومت کے فوجی عناصر کے ہاتھوں بینک آف غزہ سٹی کی ایک شاخ کی لوٹ مار کا ذکر کیا ہے۔

الجزیرہ نیوز چینل کی رپورٹ کے مطابق صہیونی اخبار معاریو نے اتوار کے روز اطلاع دی ہے کہ صیہونی حکومت کے فوجی عناصر نے غزہ شہر میں واقع الرمال بینک کی شاخ سے کم از کم 200 ملین شیکل (صیہونی کرنسی) چوری کرلی ہے۔

یہ بھی پڑھیں: صیہونیوں نے غزہ کے میدان جنگ میں کیا حاصل کیا ہے؟

اس رپورٹ کے مطابق بینک آف غزہ سٹی کی ڈکیتی کی کاروائی الرمال کے علاقے پر حملے اور بینک کی عمارت میں صیہونی حکومت کی فوج کے عناصر کی موجودگی کے دوران ہوئی۔

صہیونی اخبار معاریو کے ساتھ گفتگو میں باخبر ذرائع نے تاکید کی کہ اسرائیلی فوج نے الرمال برانچ کے بینک کے خزانوں میں موجود املاک اور رقم لوٹ لی۔

مزید پڑھیں: غزہ پر دنیا کی خاموشی کو ترکی نے کیا نام دیا؟

یہ پہلا موقع نہیں ہے کہ غزہ کی پٹی پر حملے کے دوران صیہونی حکومت کے فوجی عناصر کی چوری کی خبریں شائع ہوئی ہوں، کیونکہ اس سے قبل بھی یہ خبریں سامنے آئی تھیں کہ صیہونیوں نے فلسطینیوں کے ان کے متروکہ مکانات میں لوٹ مار کرکے انہیں آگ لگا دی۔