صیہونیوں کی لگام کسنے کا وقت آگیا ہے:فلسطینی اتھارٹی

🗓️ 28 فروری 2023

سچ خبریں:اقوام متحدہ میں فلسطینی اتھارٹی کے نمائندے نے کہا کہ اب وقت آگیا ہے کہ صیہونیوں کو ظلم کرکے بھاگنے کا موقع نہ دیا جائے ۔

فلسطینی نیوز ایجنسی سما کی رپورٹ کے مطابق اقوام متحدہ میں فلسطینی اتھارٹی کے نمائندے ریاض منصور نے کہا کہ اب وقت آگیا ہے کہ صیہونی حکومت کو صیہونیوں کے جنگی جرائم اور انسانیت کے خلاف ان کے جرائم کے خلاف ٹھوس اقدامات کرتے ہوئے انہیں سزا سے بچنے نہ دیا جائے۔

رپورٹ کے مطابق ریاض منصور نے اقوام متحدہ کے سکریٹری جنرل، سلامتی کونسل کے صدر اور اقوام متحدہ کی جنرل اسمبلی کے صدر کے نام اپنے الگ الگ خطوط میں یہ مطالبہ کیا ہے ۔

فلسطینی اتھارٹی کے نمائندے نے مزید کہا کہ فلسطینی شہریوں پر حملوں اور مغربی کنارے میں فلسطینیوں کی املاک کی تباہی کے تسلسل سے صیہونی آبادکاروں کی دہشت گردانہ کاروائیاں عروج پر پہنچ گئی ہیں۔

ریاض منصور نے فلسطینی قوم کی بین الاقوامی قوانین بشمول انسانی ہمدردی کے قوانین اور انسانی حقوق کے قانون کے مطابق حمایت اور اس حوالے سے اقوام متحدہ کی قراردادوں بشمول سلامتی کونسل کی قرارداد 904 پر عمل درآمد پر زور دیا۔