صیہونیوں کا سمجھوتہ کرنے والے ممالک کے منھ پر ایک اور زور دار طمانچہ

?️ 15 مارچ 2021

سچ خبریں:اسرائیلی افواج نے مقبوضہ علاقوں میں اپنی معاندانہ کاروائیوں کے سلسلہ کو آگے بڑھاتے ہوئے مغربی کنارے میں آج 18 فلسطینیوں کو گرفتار کرلیا۔

فلسطین الیوم کی رپورٹ کے مطابق صہیونی ملیشیا مقبوضہ علاقوں میں فلسطینیوں کے خلاف اپنی معاندانہ کاروائیاں جاری رکھے ہوئے ہے،اس سلسلہ میں تازہ ترین اطلاعات کے مطابق صہیونی عسکریت پسندوں نے مغربی کنارے کے کچھ حصوں میں بڑے پیمانے پر حملے شروع کردیئے ہیں۔

رپورٹ کے مطابق صیہونی عسکریت پسندوں کے بڑے پیمانے پر حملے کے بعد مغربی کنارے میں صیہونی فوجیوں اور فلسطینیوں کے درمیان شدید جھڑپیں ہوئی ہیں جس کے دوران صیہونیوں نے فلسطینیوں کے خلاف گولیوں اور آنسو گیس کا استعمال کیانیز صیہونی فورسز نے تنازعہ کے دوران 18 فلسطینیوں کو حراست میں لیا،یادرہے کہ انسانی حقوق کے گروپوں نے حال ہی میں اعلان کیا کہ صہیونی عسکریت پسندوں نے گذشتہ ماہ مقبوضہ علاقوں میں 134 فلسطینیوں کو بغیر کسی الزام کے حراست میں لیا ۔

ادھر گذشتہ ہفتے صہیونیوں نے جنوبی غزہ کی پٹی میں بحیرہ خان یونس میں فلسطینی ماہی گیروں پر فائرنگ کی جس کے بارے میں فلسطینی میڈیا نے اطلاع دی ہے کہ صیہونیوں کی اس جارحیت کے دوران تین فلسطینی ماہی گیر شہید ہوگئے۔

یادرہے کہ ایک طرف صیہونی فلسطینیوں پر ہر طرح کے ظلم روا رکھے ہوئے ہیں ، انھیں اپنے ہی کھیتوں میں کام کرنے سے روک رہے ہیں، ان کے مکانوں اور زمینوں کو چھین رہے ہیں ، آئے دن مسجد الاقصی کی بے حرمتی کر رہے ہیں جبکہ کورونا کی آڑ میں فلسطینیوں کو اس مقدس مقام پر جانے سے روک رہے ہیں اور دوسری طرف کچھ شیخ نشین عرب ریاستوں کے حکمراں اس غیر قانونی ریاست کو گلے لگانے کے لیے ایک دوسرے سے سبقت لےجانے کے دے درپے ہیں جس میں سعودی عرب ، متحدہ عرب امارات اور بحرین پیش پیش ہیں، متحدہ عرب امارات نے تو اپنے ملک کو صیہونیوں کی تفریح گاہ بنا دیا ہے۔