صیوہنیوں کی سعودی عرب کو دفاعی نظام فروخت کرنے کی کوشش

?️ 3 جولائی 2022

سچ خبریں:اسرائیلی میڈیا نے تل ابیب کی جانب سے جوبائیڈن کے خطے کے دورے کے دوران سعودی عرب کو فضائی دفاعی نظام فروخت کرنے کی کوشش کی خبر دی۔
المیادین چینل کی رپورٹ کے مطابق اسرائیلی میڈیا نے اس بات پر زور دیا کہ اسرائیل آنے والے ہفتوں میں امریکی صدر جوبائیڈن کے خطے کے دورے کے دوران سعودی عرب کے ساتھ سکیورٹی معاہدوں پر دستخط کرنے کی کوشش کرے گا جس میں اس ملک کو فضائی دفاعی نظام کی فروخت بھی شامل ہے۔

یاد رہے کہ صہیونی میڈیا نے حال ہی میں دعویٰ کیا تھا کہ تل ابیب سعودی اور قطری حکام کے ساتھ خفیہ مذاکرات کر رہا ہے، واضح رہے کہ حالیہ برسوں میں صیہونی حکومت نے مختلف آلات استعمال کرکے اپنے لیے پہچان خریدنے کی کوشش کی ہے جس میں بین الاقوامی اداروں میں لابنگ اور ممالک کے حکام کو جاسوسی کے آلات فروخت کرنا شامل ہیں۔

صہیونی ذرائع کا خیال ہے کہ جو بائیڈن کے خطے کے دورے کو اس ماہ کی ابتدائی تاریخ سے اگلے مہینے تک ملتوی کرنے کا تعلق تینوں ممالک کے درمیان ایک جامع اور طویل مدتی معاہدے تک پہنچنے کی امریکہ کی خواہش سے ہے، اسرائیل ہیوم اخبار کا دعویٰ ہے کہ سعودی ولی عہد شہزادہ محمد بن سلمان بنیادی طور پر صیہونیوں کے ساتھ تعلقات معمول پر لانے کے عمل کو آگے بڑھارہے ہیں۔