شمالی کوریا کا ایک نیا تجربہ

?️ 21 اگست 2023

سچ خبریں:جنوبی کوریا کی یونہاپ نیوز ایجنسی نے اطلاع دی ہے کہ شمالی کوریا کے رہنما کم جونگ ان نے ملک کی بحری مشقوں میں کروز میزائلوں کے تجربے کی ذاتی طور پر نگرانی کی۔

شمالی کوریا کی سرکاری خبر رساں ایجنسی کے مطابق یہ تجربہ ملکی بحریہ کی بحری مشق کا حصہ تھا تاکہ شمالی کوریا کی فوج کی حقیقی جنگ میں حملہ کرنے کی مہارت کو بہتر بنایا جا سکے۔

اس رپورٹ کے مطابق زیربحث جہاز نے غلطی کیے بغیر اپنے اہداف کو تیزی سے نشانہ بنایا۔

اس رپورٹ میں مزید کہا گیا ہے کہ کم جونگ ان نے شمالی کوریا کی بحریہ کے مشرقی سمندری بیڑے کے سطحی جہازفلوٹیلا کا دورہ کیا اور اسٹریٹجک کروز میزائل داغنے میں اس کے ملاحوں کی کارکردگی کو دیکھا۔

یہ تجربہ اس وقت کیا گیا جب جنوبی کوریا اور امریکہ نے گزشتہ پیر سے الچی فریڈم شیلڈ کے نام سے اپنی سالانہ مشق کا آغاز کر دیا ہے۔

امریکہ کے صدر اور جاپان اور جنوبی کوریا کے رہنماؤں نے جمعہ کو کیمپ ڈیوڈ میں ہونے والی ملاقات کے بعد سلامتی اور اقتصادی تعاون کو بڑھانے پر اتفاق کیا جس کا مقصد شمالی کوریا کے خلاف مشترکہ محاذ بنانا اور چین کے بڑھتے ہوئے اثر و رسوخ کو روکنا ہے۔

بائیڈن نے کہا کہ تینوں ممالک کے سربراہان نے سالانہ فوجی مشقوں کے انعقاد پر اتفاق کیا ہے۔ انہوں نے یہ بھی کہا کہ انہوں نے تینوں جماعتوں کے درمیان اتحاد کو مضبوط بنانے کے لیے سہ فریقی اجلاس منعقد کرنے پر اتفاق کیا ہے۔ انہوں نے کہا کہ اجلاس منعقد کرنے کا معاہدہ صرف اس سال نہیں بلکہ ہمیشہ کے لیے ہوگا۔