محکمہ صحت کی ناقص حکمت عملی ڈینگی پھیلنے کی اصلی وجہ

?️ 9 اکتوبر 2021

لاہور (سچ خبریں) کورونا کی وجہ سے دو سالوں سے ڈینگی پر تعینات تمام اسٹاف کو کورونا اور پولیو پر لگا دیا گیا  جس کا انکشاف خود محکمہ صحت پنجاب نے کیا ہے اور اس  کی ناقص حکمت عملی پنجاب میں ڈینگی پھیلنے کی بنیادی وجہ بنی ہے  اور اس حوالے سے محکمہ صحت کی ناقص حکمت عملی کی تفصیلات سامنے آگئیں۔

‌‌تفصیلات کے مطابق لاہور میں ڈینگی قابو سے باہر ہو گیا ، اس سلسلے میں ڈینگی پھیلنے کی وجوہات اور محکمہ صحت پنجاب کی ناقص حکمت عملی کی تفصیلات سامنے آگئیں۔ذرائع محکمہ صحت کا کہنا ہے کہ 2 سالوں سے ڈینگی پر تعینات تمام اسٹاف کورونا اور پولیو پر لگا دیا گیا، اس دوران ٹیمیں ڈینگی کو نظر انداز کر کے کورونا اور پولیو پر کام کرتی رہیں۔

ذرائع کے مطابق گذشتہ 2 سالوں سے ڈینگی مہم ہی نہیں چلائی گئی جبکہ محکمہ صحت نے دو سالوں سے ڈینگی دھواں دھار اسپرے پر پابندی لگا رکھی ہے۔محکمہ صحت کے ذرائع نے بتایا کہ گذشتہ 6 سالوں سے ایک ہی ڈی ایچ او ڈاکٹر فیصل سیٹ پر قابض ہیں، ڈی ایچ او پریوینٹو سروسز ڈاکٹر فیصل کی ناقص حکمت عملی کے باعث ڈینگی بے قابو ہو گیا۔ذرائع کا کہنا ہے کہ زیادہ تر ڈی ایچ اوز اور ڈی ڈی ایچ اوز 7 سالوں سے سیٹوں پر قابض ہیں۔