سعوی عرب اور ترکی میں بڑھتی کشیدگی

سعوی عرب

?️

سچ خبریں:ترک حکام نے سیاسی وجوہات کی بنا پر سعودی عرب میں اپنے اسکولوں کو بند کیے جانے پر تنقید کی ہے۔

عربی 21 نیوز ویب سائٹ کی رپورٹ کے مطابق ترک حکام کا کہنا ہے کہ سعودیوں نے گذشتہ سال کے آخر میں سیاسی وجوہات کی بنا پر متعدد سعودی شہروں میں ترک اسکول بند کردیئے تھے،رپورٹ کے مطابق ترکی کی وزارت تعلیم کے ایک عہدیدار احمد إمره بیلجلی نے ترک اسکولوں کے بے شمار مسائل اور سعودی عرب میں ان اسکولوں کے خلاف سختی کا حوالہ دیتے ہوئے کہا کہ ہماری تمام تر کوششوں کے باوجود سعودی حکام مکہ اور مدینہ میں ترک اسکول بند کر دیے۔

ترک حزب اختلاف ریپبلکن پیپلز پارٹی کے رکن اوتکو شاکر اوزر نے کہا کہ سعودیوں کا یہ فیصلہ ناقابل قبول ہے اور دونوں ممالک کے مابین پائی جانے والی کشیدگی کی بنا پر سعودی عرب میں ترک شہریوں کو متاثر اور ہراساں نہیں کرنا چاہئے،یہ ایک انتہائی افسوسناک فیصلہ ہے،انہوں نے زور دے کر کہا کہ سعودی عرب میں مقیم ترک شہریوں کی ترکی کے اسکولوں میں اپنے بچوں کو تعلیم دینے میں درپیش مشکلات کی وجہ سے شکایات موصول ہوئی ہیں۔

واضح رہے کہ ترک نمائندے نے سعودی عرب میں ترکی کی مصنوعات پر پابندی عائد کیے جانے اور اس ملک میں ترک شہریوں کی پریشانیوں کا ذکر کرتے ہوئے کہاکہ یہ قابل قبول نہیں ہے، دونوں ملکوں کے مابین پریشانی ہوسکتی ہے لیکن اس کا شکار سعودی عرب میں رہ رہے ترک شہریوں کو نہیں بنانا چاہئے،انہوں نے سعودی حکام سے مطالبہ کیا کہ وہ جلد سے جلد ترک اسکولوں کو بند کرنے کے اپنے فیصلے پر نظر ثانی کریں، ترک وزارت تعلیم کے ایک عہدیدار لطیف سیلفی نے اس بات کو تسلیم کرتے ہوئے کہ سعودی فیصلہ محض ایک سیاسی تھا ، کہا کہ اتنی بڑی بھی کوئی مشکل نہیں تھی کہ ترک اسکولوں کو بند کر دیا جائے۔

انہوں نے مزید کہاکہ سعودی عرب نے ترکی کی تعلیمی سرگرمیوں کو ایسے طریقے سے ختم کیا ہے جو بین الاقوامی اصولوں کے مطابق نہیں ہے اور ایک من مانا اور مکمل طور پر سیاسی فیصلہ ہے،سیلفی نے سعودی عرب میں ترک بچوں کی مشکلات ختم کرنے کی ضرورت پر زور دیتے ہوئے کہا کہ یہ ناقابل قبول ہے کہ کوئی بھی ملک دوسرے ممالک کے شہریوں کو ان کی زبان میں اسکولوں میں پڑھنے کی اجازت نہیں دیتا ہے،اب اسکولوں میں اپنی زبان میں تعلیم دینے کی اجازت نہیں ہے۔

 

مشہور خبریں۔

نواز شریف نے وزارت عظمیٰ کیلئے شہباز شریف، وزیر اعلیٰ پنجاب کیلئے مریم نواز کو نامزد کردیا

?️ 14 فروری 2024اسلام آباد: (سچ خبریں) مسلم لیگ (ن) کے قائد نواز شریف نے

افغانستان میں امن کے شراکت دار بننے کے لئے تیار ہیں: وزیر اعظم

?️ 22 جون 2021اسلام آباد(سچ خبریں) وزیر اعظم عمران خان نے کہا ہے کہ افغانستان

’زہریلی چھپکلی‘ حرا مانی کا کنگنا رناوٹ کو کرارا جواب

?️ 11 مئی 2025کراچی: (سچ خبریں) اداکارہ حرا مانی نے بھارتی اداکارہ کنگنا رناوٹ کو

یمن کے واشنگٹن اور تل ابیب کے لیے چند پیغامات

?️ 26 دسمبر 2024سچ خبریں: یمن، جو لبنان کی حزب اللہ کے بعد مزاحمت کے

مسجد الاقصی پر صیہونی حکومت کی جارحیت میں توسیع کی وجوہات

?️ 29 اپریل 2023سچ خبریں:نیتن یاہوکی سربراہی میں صیہونی حکومت کی نئی کابینہ کے افتتاح

خیبرپختونخواہ میں بلدیاتی انتخابات پر فواد چوہدری کا رد عمل سامنے آگیا

?️ 21 دسمبر 2021اسلام آباد (سچ خبریں) وفاقی وزیر اطلاعات ونشریات فواد چودھری نے کہا

انقلاب اسلامی ایران کی کامیابی کی سالگرہ کے موقع پر وزیر خارجہ کا تہنیتی پیغام

?️ 10 فروری 2022اسلام آباد(سچ خبریں) پاکستان کے وزیر خارجہ نے اپنے ایرانی ہم منصب

وزیراعظم ریلیف پیکج پر15 دسمبر سےعمل شروع ہو جائے گا

?️ 5 نومبر 2021اسلام آباد (سچ خبریں)  تفصیلات کے مطابق نجی ٹی وی چینل اے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے