سعودی عرب نے سویڈن سے کیا مطالبہ کیا ہے؟

?️ 29 جولائی 2023

سچ خبریں: سعودی عرب کے وزیر خارجہ نے اپنے سویڈش ہم منصب کے ساتھ ٹیلی فون پر گفتگو میں مقدس کتابوں اور آسمانی مذاہب کے خلاف توہین آمیز اقدامات کو روکنے کا مطالبہ کیا۔

الغد نیوز ایجنسی کی رپورٹ کے مطابق سعودی وزیر خارجہ فیصل بن فرحان نے اپنے سویڈش ہم منصب کو فون کر کے کہا کہ وہ اس ملک میں قرآن کریم کے خلاف جارحانہ اقدامات کو روکیں۔

اس ٹیلی فونک گفتگو میں بن فرحان نے سعودی عرب کی جانب سے قرآن پاک کی بے حرمتی کے لیے کیے جانے والے تمام اقدامات کی سخت مخالفت کا اعلان کیا۔

یہ بھی پڑھیں: قرآن پاک کی بےحرمتی کے بارے میں برطانیہ کا بیان

سعودی وزیر خارجہ نے مقدس کتابوں کے خلاف اور دنیا بھر کے مسلمانوں کے جذبات کو ٹھیس پہنچانے کے اس عمل کو روکنے کے لیے ضروری اقدامات کرنے کی بھی درخواست کی۔

فیصل بن فرحان نے مزید کہا کہ قرآن پاک کے نسخوں کو جلانے کی تکرار نفرت پھیلانے اور قوموں نیز تہذیبوں کے درمیان مکالمے کو مضبوط بنانے کی کوششوں میں رکاوٹ بن سکتی ہے۔

سویڈن کے وزیر خارجہ نے بھی دعویٰ کیا کہ ان کا ملک قرآن پاک کی بے حرمتی کی کسی بھی کوشش کے خلاف ہے اور اس کی مذمت کرتا ہے۔

ساتھ ہی انہوں نے سویڈن میں کچھ لوگوں کی جانب سے آزادی اظہار رائے کے بہانے اس ملک آئین کی خلاف ورزی کرنے پر افسوس کا اظہار کیا۔

سویڈن کے وزیر خارجہ نے دعویٰ کیا کہ اس ملک کے حکام مذاہب اور مقدس کتابوں کے خلاف جارحانہ اقدامات کو روکنے کی کوشش کر رہے ہیں۔

مزید پڑھیں: قرآن پاک کی بے حرمتی کرنے پس پردہ عناصر

علاوہ ازیں کوپن ہیگن میں قرآن پاک کو جلائے جانے کی تکرار کے بعد سعودی عرب کی وزارت خارجہ نے اس ملک میں قرآن پاک کے نسخے کو جلائے جانے کے ردعمل میں جمعہ کی صبح ڈنمارک کے سفارت خانے کے ناظم الامور کو طلب کیا۔

سعودی عرب کی وزارت خارجہ نے اسلامی مقدسات کی خلاف ورزی اور ابراہیمی مذاہب کے خلاف تشدد پھیلانے کو ناقابل برداشت قرار دیتے ہوئے کوپن ہیگن سے اسلام مخالف اقدامات اور بین الاقوامی قوانین کی خلاف ورزی کی توہین کو روکنے کے لیے سنجیدہ اقدامات کا مطالبہ کیا۔