سعودی عرب نے امریکہ کے حکم پر یمن پر حملہ کیا : انصار اللہ

?️ 16 مارچ 2022

سچ خبریں:یمن کی انصاراللہ تحریک کے ایک رکن نے ایک ٹویٹ میں تصدیق کی ہے کہ سعودی عرب ان کے ملک پر حملہ کرنے کے لیے واشنگٹن کے احکامات پر عمل درآمد کرنے والا واحد ملک ہے۔
گارڈین اخبار کی رپورٹ کے مطابق علی القحوم نے اپنے ٹویٹر اکاؤنٹ پر لکھا کہ سعودی عرب یمن کے خلاف جارح ہے اور واشنگٹن کے کہنے پر اس کی جارحیت واضح ہے جبکہ اس کی دراندازی اور جرائم جاری ہیں جو ایک لمحے کے لیے بھی نہیں رکے۔

انھوں نے مزید کہا کہ سعودی عرب کا ہمارے خلاف محاصرہ جاری ہے اور یہ اس کا اپنا فیصلہ نہیں ہے،یمن پر جارحیت میں سعودی عرب اور متحدہ عرب امارات کے کردار کے بارے میں یمن کی انصار اللہ تحریک کے سیاسی بیورو کے رکن نے لکھاکہ یہ ملک متحدہ عرب امارات کے ساتھ مل کر امریکہ اور قابض صیہونیوں کے لیےتباہی کے منصوبوں کو آگے بڑھانے کے لیے صرف ایک گندہ جال ہے جبکہ اس کا فیصلہ سازامریکہ ہے۔

انھوں نے کہا کہ امریکہ اور اس کے اتحادیوں بشمول سعودی عرب اور متحدہ عرب امارات کو یہ جان لینا چاہیے اور ہوشیار رہنا چاہیے کہ یمن آٹھ سال کی جارحیت اور محاصرے کے باجودبھی تسلط اور سرپرستی قبول نہیں کرنے والا اور نہ ہی ہمیں موت سے ڈر ہے، انہوں نے کہا کہ یمن اپنی جغرافیائی عظمت کے ساتھ اس کی قوم اور اس کے رہنما ہمیشہ آزاد اور خودمختار رہیں گے جبکہ ہمیں فتح کی کرن دکھائی دے رہی ہے۔