سعودی عرب میں روزانہ کے اعتبار سے کورونا وائرس کے سب سے زیادہ واقعات

?️ 14 جنوری 2022

سچ خبریں:سعودی وزارت صحت نے اس ملک میں روزانہ کے اعتبار سے سب سے زیادہ کورونا وائرس کے انفیکشن کی شرح کا اعلان کیا ہے۔
سعودی وزارت صحت نے کورونا وائرس کے 5499 نئے کیسز کا اعلان کیا ہے،سعودی وزارت صحت کا کہنا ہے انھوں نے نئے کورونا وائرس کے 5499 کیسز کے اندراج کا اعلان کیا ہے جس کے بعد متاثرہ افراد کی مجموعی تعداد 599044 ہو گئی ہے۔

سعودی وزارت نے اعلان کیا کہ صحت یاب ہونے کے 2978 نئے کیسز درج کیے گئے ہیں، جس سے صحت یاب ہونے والے مریضوں کی کل تعداد 5535 ہوگئی ہے،سعودی وزارت نے اپنےبیان میں عوام سے مشورہ، معلومات، صحت کی خدمات اور کورونا سے متعلق 24 گھنٹے انکوائری حاصل کرنے کے لیے 937 پر کال کرنے کا مطالبہ کیا۔

یادرہے کہ سعودی عرب خلیج فارس کا پہلا ملک ہےجس نے Omicron کی رجسٹریشن کا اعلان کیا،کورونا وائرس کی نئی قسمOmicron کے نئے کیسز کا انڈیکس اب بھی بڑھ رہا ہے،گزشتہ 24 گھنٹوں سے سعودی عرب خلیج فارس میں کورونا میں مبتلا ہونے اور اس وائرس سے ہونے والی ہلاکتوں میں سب سے آگے ہے۔

یادرہے کہ حال ہی میں سعودی سرکاری خبر رساں ایجنسی نے وزارت داخلہ کے ایک ذریعے کے حوالے سے بتایا تھا کہ عوامی جگہوں پر ماسک پہننا لازمی ہے جبکہ سعودی عرب نے احتیاطی اقدامات اٹھانے کے ڈھائی ماہ سے زیادہ عرصہ کے بعد، حال ہی میں مکہ میں مسجد نبوی میں سماجی دوری کے اقدامات کو دوبارہ متعارف کرایا ہے۔