سعودی حکام وکی پیڈیا لکھنے والوں پر بھی رحم نہیں کرتے

?️ 8 جنوری 2023

سچ خبریں:باخبر ذرائع نے ویکیپیڈیا لکھنے والوں میں سے ایک زیاد السفیانی کی سعودی عرب میں اس ملک کے حکام کے الزامات کی وجہ سے گرفتاری کی اطلاع دی ہے۔

الوطن ویب سائٹ کے مطابق سعودی عرب میں ویکیپیڈیا لکھنے والوں میں سے ایک زیاد السفیانی کو حال ہی میں اس ملک کے حکام کے الزامات کی وجہ سے گرفتار کر کے جیل بھیج دیا گیا ہے،صحافی اور وکی پیڈیا لکھنے والے زیاد السفیانی پر سعودی عرب میں سیاسی کارکنوں پر ظلم و ستم کے بارے میں معلومات شائع کرنے کا الزام تھا۔

واضح رہے کہ السفیانی ایک میڈیکل کالج سے فارغ التحصیل ہیں اور 2006 سے وکی پیڈیا کے ساتھ بطور مصنف کام کر رہے ہیں، انہیں 2011 میں اس ملازمت میں ترقی دی گئی، اس سلسلے میں انسانی حقوق کے کارکنوں نے ایک اور سعودی کارکن کی گرفتاری کا اعلان کیا ہے جو وکی پیڈیا پر مواد تیار کر رہا تھا، چنانچہ سعودی سکیورٹی حکام نے اس سعودی شہری کی وکی پیڈیا کی معلومات کو ہیک کرکے اس کی سرگرمیوں کا پتہ لگایا اور اسے گرفتار کرلیا۔

سعودی ذرائع کی جانب سے ابھی تک اس شخص کے نام کا اعلان نہیں کیا گیا ہے، یاد رہے کہ ایک ماہ قبل سعودی عرب کے حکام نے ٹویٹر کے ایک کارکن کو جاسوسی کے الزام میں گرفتار کر کے جیل میں ڈال دیا تھا۔

واضح رہے کہ ایک طرف سعودی عرب میں سوشل میڈیا کو شدید دبانے کا سلسلہ جاری ہے، جب کہ دوسری طرح اس ملک کے حکام حالیہ دنوں میں کرسٹیانو رونالڈو کی خدمات حاصل کرکے یہاں جاری صورتحال کی کے سلسلہ میں رائے عامہ کو منحرف کرنے کی کوشش کر رہے ہیں۔