القدس شوٹنگ آپریشن میں صیہونی فوجی ہلاک

?️ 9 اکتوبر 2022

سچ خبریں:    مقبوضہ بیت المقدس میں فلسطینی استقامت کاروں کی فائرنگ کی کارروائی میں زخمی ہونے والی خاتون صہیونی فوجی زخموں کی تاب نہ لاتے ہوئے چل بسی۔

عبرانی ذرائع نے آج اطلاع دی ہے کہ مقبوضہ بیت المقدس میں شوافات چوکی پر گزشتہ رات فائرنگ کی ایک کارروائی میں زخمی ہونے والی ایک خاتون صہیونی فوجی لازار ہلاک ہوگئی۔

مقبوضہ فلسطین کی ایک اور پیشرفت میں قابض صہیونی فوج نے آج اتوار کی علی الصبح سے ہی مقبوضہ بیت المقدس کے مختلف علاقوں میں چھاپے مارے اور فلسطینیوں کی بڑے پیمانے پر گرفتاریاں شروع کر دیں۔

مرکزاطلاعات فلسطین کے مطابق صہیونی فورسز نے مقبوضہ بیت المقدس میں کم از کم 28 افراد کو حراست میں لے لیا۔

دوسری جانب قدس الاخباریہ ویب سائٹ نے اطلاع دی ہے کہ صہیونی فوج نے آج صبح جنین میں تین فلسطینی جنگجوؤں کی قاتلانہ کارروائی کو ناکام بنا دیا۔

ایک اور پیش رفت میں صیہونی حکومت کے داخلی سلامتی کے وزیر نے ایک بار پھر مغربی کنارے کے خلاف بڑے پیمانے پر فوجی آپریشن شروع کرنے کی دھمکی دی ہے۔

عبرانی میڈیا نے رپورٹ کیا ہے کہ عمر بارلیو نے کہا کہ ہم شمالی مغربی کنارے میں بڑے پیمانے پر فوجی آپریشن شروع کرنے کے قریب پہنچ رہے ہیں لیکن اس کا صحیح وقت معلوم نہیں ہے اور صورت حال کا بغور جائزہ لینا ہوگا اور پھر کوئی حتمی فیصلہ کیا جائے گا۔