دمشق کے ساتھ مفاہمت بھی اور شمالی شام پر قبضہ بھی؛اردگان کا متضاد موقف

🗓️ 21 مئی 2023

رجب طیب اردگان نے شام کے ساتھ مفاہمت کے لیے آمادہ ہونے کا دعویٰ کرتے ہوئے ساتھ ہی شام میں ترک فوج کی مسلسل غیر قانونی موجودگی پر بھی زور دیا۔

ترک صدر رجب طیب اردگان نے سی این این کے ساتھ گفتگو میں کھلے عام اپنا متضاد موقف بیان کرتے ہوئے کہا کہمجھے دمشق کے ساتھ مفاہمت کی راہ میں کوئی رکاوٹ نظر نہیں آتی لیکن ہم شمالی شام سے اپنی افواج نہیں نکالیں گے۔

انہوں نے قلیچدار اوغلو سمیت دیگر اپوزیشن لیڈروں کی طرف اشارہ کرتے ہئے مزید کہا کہ یہ لوگہمیشہ ایک نکتے پر توجہ مرکوز کرتے ہیں اور کہتے کہ اگر ہم اقتدار میں آئیں گے تو شامی مہاجرین کو ان کے ملک واپس بھیجیں گے جبکہ میرا ماننا ہے کہ ایسا ہو نہیں سکتا۔

اردگان نے دعویٰ کیا کہ ہم شام کے شمالی علاقوں میں رہائشی یونٹ تعمیر کر رہے ہیں، تاکہ ترکی میں مقیم مہاجرین اپنے وطن واپس جا سکیں،یہ عمل شروع ہو چکا ہے اور ہم دس لاکھ پناہ گزینوں کو اپنے ملک واپس جانے کی ترغیب دینے کے لیے ایک پہل کی تلاش میں ہیں، ہم ان کے لیے رہائشی یونٹ بناتے ہیں، جو اچھے ڈیزائن ہوتے ہیں۔