داعش کے نئے رہنما کی ترکی میں گرفتاری کی متضاد خبریں

?️ 29 مئی 2022

سچ خبریں:بلومبرگ نیوز نے ترکی کے سنیئر ذرائع کے حوالے سے بتایا ہے کہ داعش کے نئے سربراہ ابوالحسن القرشی کو استنبول سے گرفتار کر لیا گیا ہے۔
بلومبرگ نیوز نے ترکی کے سنیئر ذرائع کے حوالے سے بتایا ہے کہ داعش کے نئے سربراہ ابوالحسن القرشی کو استنبول سے گرفتار کر لیا گیا ہے، رپورٹ کے مطابق حالیہ دنوں میں استنبول میں انسداد دہشت گردی فورسز اور ترک سکیورٹی اپریٹس کی کارروائیوں میں داعش کے سرغنہ کو گرفتار کیا گیا ہے۔

بلومبرگ نے تصدیق کی ہے کہ وہ آزادانہ طور پر یہ ثابت نہیں کر سکتا کہ حراست میں لیا گیا شخص کون ہے تاہم ترک ذرائع نے تصدیق کی ہے کہ وہ داعش کا سرغنہ ہے، انہوں نے مزید کہا کہ ترک صدر کو ضروری معلومات فراہم کر دی گئی ہیں اور آئندہ چند روز میں معاملہ حل کر لیا جائے گا اور اس کا اعلان کیا جائے گا۔

مڈل ایسٹ نیوز کے مطابق گزشتہ فروری میں امریکہ کے صدر نے ایک بیان جاری کر کے داعش دہشت گرد گروہ کے سربراہ اور ابوبکر البغدادی کے جانشین کی موت کا اعلان کیا تھا جس کے تقریباً ایک ماہ بعد داعش دہشت گرد گروہ نے اس تنظیم کے سربراہ ابوابراہیم القرشی کے قتل کی تصدیق کی اور اعلان کیا کہ ابو حسن الہاشمی القرشی کو اس دہشت گرد گروہ کا نیا سربراہ مقرر کیا گیا ہے۔