اردن اپنے فضائی حدود کی خلاف ورزی ہرگز برداشت نہیں کرے گا 

اردن اپنے فضائی حدود کی خلاف ورزی ہرگز برداشت نہیں کرے گا

 اردن کے بادشاہ نے کہا ہے کہ ان کا ملک کسی کو بھی اپنی فضائی حدود کی خلاف ورزی کی اجازت نہیں دے گا اور اردن کو کسی جنگ کا میدان نہیں بننے دیا جائے گا۔

اردنی خبر رساں ادارے کے مطابق شاہ عبداللہ دوم نے ملک کی صحافتی تنظیم کے ارکان سے ملاقات میں داخلی اور علاقائی امور پر اردن کے سرکاری مؤقف کی وضاحت کی اور قومی سلامتی اور شہریوں کے تحفظ کو اولین ترجیح قرار دیا۔

انہوں نے واضح الفاظ میں کہا کہ اردن اپنی فضائی حدود کے احترام پر کوئی سمجھوتہ نہیں کرے گا اور ملک کے امن و استحکام کو ہر صورت برقرار رکھا جائے گا۔

شاہ اردن کا کہنا تھا کہ قومی سلامتی اور عوام کی جان و مال کا تحفظ ہر قسم کی سیاسی مصلحت سے بالاتر ہے۔

یہ بیان ایسے وقت سامنے آیا ہے جب خطے میں کشیدگی میں اضافہ ہو رہا ہے اور ایران کے خلاف ممکنہ اقدامات سے متعلق دھمکی آمیز بیانات گردش کر رہے ہیں۔