داعش کےخلاف کاروائیوں میں امریکہ کی رخنہ اندازی؛الحشد الشعبی کا اعلان

?️ 15 اگست 2021

سچ خبریں:الحشد الشعبی کے قریبی ذرائع نے انکشاف کیا ہے کہ امریکی فوج داعش کے خلاف اس تنظیم کے مشن میں خلل ڈال رہی ہے۔
العہد نیوز ایجنسی کی رپورٹ کے مطابق عراقی الحشد الشعبی کی41 ویں آپریشنل بریگیڈ کے انچارج قاسم الکریطی نے داعش کے خلاف عراقی الحشد الشعبی تنظیم کے مشن میں خلل ڈالنے کی امریکیوں کی کوشش کو بے نقاب کیا،انہوں نے شمالی بغداد میں واقع الطارمیہ علاقہ میں داعش کے خلاف کیے جانے والے آپریشن کے مقاصد کی وضاحت کرتے ہوئے کہاکہ اس آپریشن کا ایک مقصد اس علاقے میں داعش کے ٹھکانوں کو نشانہ بنانا ہے۔

الکریطی نے اس بات پر زور دیا کہ الحشد الشعبی نے دہشت گردوں کی نقل و حرکت کو روکنے کے لیے ان کے تعاقب کے منصوبے تیار کیے ہیں، انہوں نے مزید کہاکہ الطارمیہ سے دہشت گردوں کا صفایا ہونا چاہیے،اگر اعلی حکام کی جانب سے الطارمیہ میں دہشت گردوں کے خلاف کاروائی کرنے کے احکامات جاری کیے جائیں تو یہ کام تیزی سے کیا جائے گا ، الحشد الشعبی موبلائزیشن کے کمانڈر نے الطارمیہ کے اندر اس عراقی عوامی تنظیم کی فورسز کے عظیم اقدامات اور اقدامات کا اعلان بھی کیا۔

انہوں نے کہا کہ امریکی مخالف لہریں چھوڑ کر داعش کے خلاف کام کرنے والے الحشد الشعبی کے ڈرونز کی نقل و حرکت میں خلل ڈال رہے ہیں تاہم یہ تنظیم داعش کے ساتھ ساتھ امریکی شرارتوں کا مقابلہ کرنے کے لیے تیار ہے۔

واضح رہے کہ امریکہ داعش کا مقابلہ کرنے کے بہانے عراق میں داخل ہوا تھا جبکہ زمینی حقائق کچھ اور ہی کہتے ہیں، عراقی عوام اور حکومت کے لیے ثابت ہوچکا ہے کہ امریکی اس ملک میں داعش کے مقابلہ کرنے کے بجائے دہشتگردوں کے لیے سہولت کار کے فرائض انجام دے رہے ہیں تاکہ ان کے ذریعہ خطہ میں اپنے ناپاک عزائم کو حاصل کر سکیں۔