حزب اللہ نے صیہونی شہروں میں موجود اسرائیلی فوجی اڈوں کی ویڈیو جاری کر دی

?️ 18 فروری 2021

سچ خبریں:لبنان کی حزب اللہ نے پہلی بار مقبوضہ فلسطینی شہروں کے اندر اسرائیلی فوجی اڈوں اور ٹھکانوں کی ویڈیو جاری کی ہے۔
شہروں کے اندر صہیونی حکومت کی فوجی سائٹوں کی ویڈیو کی ریلیز کی سوشل میڈیا پر بڑے پیمانے پر جھلک رہی ہے، لبنانی صارفین نے ویڈیو کو سائبر اسپیس میں ما_لم_یواجهه_کیانکم (جب تک تمہارا کسی سے پالا نہیں پڑا)ہیش ٹیگ کے ساتھ شیئر کیا ، حزب اللہ کےفوجی انفارمیشن گروپ العلام الحربی نے "اے صیہونیوں ، آپ کے شہروں کے اندر آپ کے فوجی اور حفاظتی اہداف ہیں” کے عنوان سے ویڈیو کلپ جاری کیا، یہ ویڈیو لبنان کی حزب اللہ کےسربراہ سید حسن نصراللہ کی منگل کی تقریر کے 24 گھنٹے بعد جاری کی گئی جس میں انہوں نے اسرائیلی فوج کی حالیہ دھمکیوں پر سخت ردعمل ظاہر کیا تھا۔

یادرہے کہ حزب اللہ کے سکریٹری جنرل نے منگل کی رات ایک تقریر میں صیہونی حکومت کے رہنماؤں کو لبنان میں کسی نئے مہم جوئی کے بارے میں متنبہ کیا اور صیہونی مسلح افواج کے سربراہ سے خطاب کرتے ہوئے کہ ہم تصادم یا جنگ کے خواہاں نہیں ہیں لیکن اگرآپ ایسا کرتے ہیں تو ہم پوری طاقت کے ساتھ اس میں داخل ہوں گے ، اگر آپ ہمارے شہروں کو نشانہ بناتے ہیں تو ہم آپ کے شہروں کو نشانہ بنائیں گے ، اگر آپ ہمارے گاؤں کو نشانہ بناتے ہیں تو ، ہم آپ کے شہروں پر راکٹوں کی برسات کر دیں گے۔

قابل ذکر ہے کہ صہیونی میڈیا میں حزب اللہ کے سکریٹری جنرل کی تقریر کی بڑے پیمانے پر خبر شائع ہوئی ہے جس میں بہت سارے ذرائع ابلاغ نے سید حسن نصراللہ کی تل ابیب کو دیے جانے والے انتباہ "آگ سے نہ کھیلو” کو سرخی بنایا، اسرائیلی چینل "کان” نے کہا ہے کہ حسن نصراللہ نے گذشتہ رات ایک تقریر میں کہا ہے کہ "اگر جنگ شروع ہوتی ہے تو اسرائیل کوایسی چیزیں دیکھنے کو ملیں گی جو اس نے اپنے وجود سے لے کر آج تک نہیں دیکھی ہوں گی ۔

اسرائیلی میڈیا نے حزب اللہ کے سکریٹری جنرل سید حسن نصراللہ کے حوالے سے نقل کیا کہ انھوں نے تل ابیب کی فوجی دھمکیوں کے جواب میں کہا کہ اسرائیلی حالیہ تمام دھمکیوں کے بعد کوئی اس بات کی ضمانت نہیں دے سکتا کہ صورتحال جنگ پر ختم نہیں ہوگی۔