جنرل سلیمانی کی میراث خطے کے لوگوں کی آزادی کی جدوجہد ہے: ہسپانوی تجزیہ کار

?️ 3 جنوری 2022

سچ خبریں:ممتاز ہسپانوی تجزیہ کار یوسف فرنانڈیز نے جنرل قاسم سلیمانی کی شہادت کی دوسری برسی کے موقع پر کہا کہ ایران کے عظیم کمانڈر کی میراث خطہ کی عوام کی آزادی کے لیے جدوجہد ہے۔
ممتاز ہسپانوی تجزیہ کار یوسف فرنانڈیز نے میڈرڈ میں IRNA کے ساتھ ایک انٹرویو میں کہا کہ جنرل سلیمانی کی شہادت کی عراق سے لے کر وینزویلا تک دنیا بھر کی حکومتوں اور لوگوں نے بڑے پیمانے پر مذمت کی ہے، اس طرح جرم کے ارتکاب کا نہ صرف یہ کہ سراہنا نہیں ہوا بلکہ اس نے خطے میں امریکی پوزیشن کو بہت کمزور کر دیا ہے۔

فرنانڈیز نے 20 سالہ جنگ کے بعد افغانستان سے امریکی انخلاء کو واشنگٹن کے لیے شرمناک شکست قرار دیتے ہوئے کہا کہ یہ امریکی تاریخ کی طویل ترین جنگوں میں سے ایک تھی جس میں اس کی فوج طالبان گوریلوں کو شکست دینے میں ناکام رہی، اسی طرح عراق سے اگرچہ امریکہ نے اپنی افواج کی ایک خاصی مقدار واپس بلا لی ہے، تاہم اس نےاس ملک میں ایسے ہزاروں مشیر چھوڑ دیے ہیں جنہیں عوام نے مسترد کر دیا ہے اور مستقبل قریب میں وہ بھی وہاں سے نکل جانے پر مجبور ہو جائیں گےجبکہ عراقی مزاحمتی تحریکیں اور اس ملک کی پارلیمنٹ، جو کہ ہمیشہ سے ہی اپنے ملک میں امریکی موجودگی کی مخالف رہی ہیں ، ہمیشہ ان کے جانے کی ضرورت پر زور دیتی ہیں۔

ہسپانوی مسلم فیڈریشن کے سکریٹری نے یہ بھی یاد دلایا کہ لبنان، شام اور فلسطین کے عوام بھی جنرل سلیمانی کے لیے عظیم درجہ کے قائل ہیں کیونکہ اس عظیم کمانڈر نے تکفیری دہشت گردی اور صیہونی حکومت کے خلاف جنگ میں اس سرزمین کے لوگوں کی مدد کی جس کی بدولت دہشگردو ں کاناقابل تسخیر ہونے کا خواب چکنا چور ہوگیا ۔