بائیڈن نجی محفلوں میں نیتن یاہو کو کس نام سے یاد کرتے ہیں؟

?️ 5 فروری 2024

سچ خبریں: پولیٹیکو میگزین نے دعویٰ کیا ہے کہ امریکی صدر نجی گفتگو میں صیہونی وزیر اعظم کو برا آدمی کہہ کر خطاب کرتے ہیں۔

پولیٹیکو نے میگزین ایک رپورٹ شائع کرتے ہوئے اعلان کیا ہے کہ امریکی صدر جو بائیڈن نے نجی گفتگو میں اسرائیلی وزیر اعظم بنیامین نیتن یاہو کو ایک برا آدمی قرار دیا۔

پولیٹیکو کے مطابق، بائیڈن کی اہم تشویش یہ ہے کہ نیتن یاہو امریکہ کو مشرق وسطیٰ میں بڑے پیمانے پر جنگ میں شامل کرنے کی کوشش کر رہے ہیں، جس کے بعد امریکی ہتھیار اور فوجی اس آپریشن میں حصہ لیں گے،ایسی جنگ جس کا نوجوان ووٹروں میں بائیڈن کے انتخابی ووٹوں پر منفی اثر پڑتا ہے۔

پولیٹیکو کے مطابق بائیڈن اعلانیہ طور پر ایسا نہیں کہیں گے لیکن انھوں نے ایسے اشارے دکھائے ہیں کہ وہ فلسطینی حامی کارکنوں کی شکایات کو سن رہے ہیں۔ اس کی ایک مثال بائیڈن کا فلسطینیوں کے خلاف پرتشدد کاروائیاں کرنے والی بستیوں (مغربی کنارے میں) کی روک تھام کرنے کا حکم ہے۔

لیکن وائٹ ہاؤس کے ڈپٹی پریس سکریٹری اینڈریو پِٹس نے ایک بیان میں دعویٰ کیا کہ بائیڈن نے ایسے تبصرے نہیں کیے اور بائیڈن اور نیتن یاہو کے درمیان نجی طور پر دیرینہ اور قابل احترام تعلقات ہیں۔

گزشتہ ہفتے، جو بائیڈن نے مغربی کنارے میں فلسطینیوں پر حملہ کرنے والے متعدد صہیونی آباد کاروں پر پابندی عائد کرنے کے لیے ایک نیا حکم نامہ جاری کیا اور ان میں سے چار کو بلیک لسٹ کر دیا۔

یہ کارروائی ایسے وقت میں ہو رہی ہے جب طوفان الاقصیٰ آپریشن کے آغاز کے بعد مغربی کنارے کے مختلف علاقوں میں فلسطینیوں کے خلاف صیہونی آباد کاروں کے تشدد میں غیر معمولی اضافہ ہوا ہے اور صیہونی فوج کے جبر و تشدد میں مزید اضافہ ہوا ہے۔

اس حوالے سے صیہونی وزیر اعظم بنیامین نیتن یاہو نے ایکس بیس پر ایک پیغام میں اس فیصلے پر تنقید کرتے ہوئے دعویٰ کیا کہ زیادہ تر آباد کار قانون کی پاسداری کرنے والے ہیں اور ان کی ایک بڑی تعداد ان دنوں ریزرو فوجیوں کے طور پر لڑ رہی ہے۔

انہوں نے فلسطینی شہریوں کو قانون شکن قرار دیتے ہوئے دعویٰ کیا کہ تل ابیب قانون شکنی کرنے والوں کے خلاف کہیں بھی کارروائی کرسکتا ہے ، اس سلسلے میں غیر معمولی اقدامات کرنے کی ضرورت نہیں ہے۔

صیہونی حکومت کی داخلی سلامتی کے انتہاپسند وزیر اتمار ین گوئیر نے بھی بائیڈن کے اس فیصلے پر رد عمل ظاہر کیا اور X پر اپنے پیج پر لکھا کہ اب وقت آگیا ہے کہ امریکہ مغربی کنارے کے بارے میں اپنی پالیسیوں پر نظر ثانی کرے۔

انہوں نے کہا کہ بائیڈن اسرائیلی شہریوں اور بہادر آباد کاروں کے بارے میں غلطی کر رہے ہیں فلسطینی آباد کاروں پر حملہ آور ہوتے ہیں اور ان پر پتھروں سے حملہ کرتے ہیں۔