بائیڈن حکومت عراق اور شام میں داعش کی بحالی کا ارادہ رکھتی ہے: شامی پارلیمنٹ کے ممبر

?️ 6 فروری 2021

سچ خبریں:شام کے رکن پارلیمنٹ نے عراق اور شام میں داعشی دہشت گرد تنظیم کی بحالی کے لئے امریکی انتظامیہ کی نئی کوششوں کے بارے میں انتباہ دیا۔
شام کی پارلیمنٹ کے ممبر علی الصطوف نے کہا کہ نئی امریکی انتظامیہ عراق اور شام میں داعشی دہشت گرد تنظیم کو بحال کرنے کی کوشش کر رہی ہے، انہوں نے مزید کہا کہ شام اور عراق میں دہشت گردی کے تنازعات کے پیچھے بائیڈن حکومت کا ہاتھ ہے۔ الصطوف نے کہاکہ ہم دیکھ رہے ہیں کہ الجزیره، الحسکه، القامشلی اور شام کے صحرا میں کیا ہو رہا ہے۔

انہوں نے مزید کہاکہ ان اقدامات کا مقصد خطے میں تفرقہ کے منصوبوں کو مکمل کرنے کے لئے داعشی دہشت گرد گروہ کو واپس لانا ہے، الصطوف نے کہا کہ نئی امریکی انتظامیہ دہشت گرد گروہوں کی جانب سے الحسکہ اور القامشلی کا محاصرہ کرنے کی کارروائیوں کے پیچھے ہے،انہوں نے امریکی سازشوں کے خلاف استحکام اور مزاحمت کی ضرورت پر بھی زور دیتے ہوئے کہا کہ خطے میں امریکی موجودگی سے چھٹکارا پانے کے لئے مزاحمت ہی واحد حل ہے۔

واضح رہے کہ امریکہ داعش کا مقابلہ کرنے کے لیے عراق اور شام میں داخل ہوا تھا لیکن حقیقت کچھ اور ہی تھی جو زمینی حقائق سے ثابت ہو بھی ہو چکی ہےکہ امریکہ نے ان ممالک میں نہ صرف یہ کہ داعش کے خاتمہ کے کچھ کیا بلکہ اس دہشگرد تنظیم کے لیے سہلوت کاری کے فرائض انجام دیے ،جہاں دہشتگرد مزاحمتی تحریک کے چنگل میں پھنس جاتے تھے وہاں امریکہ ان کے لیے فرشتۂ نجات بن کر نازل ہوتاتھا جو سلسلہ آج بھی جاری ہے ۔

مصدقہ اطلاعات کے مطابق امریکہ عراق اور شام میں موجود اپنے کیمپوں میں داعشی دہشتگرد ں کو فوجی تربیت دیتا ہے اور ہر طرح سے ان کی حمایت کرتا ہے تاکہ زیادہ سے زیادہ ان ممالک میں رہ سکے اور ان کی دولت کو لوٹ کر اپنا اور اسرائیل کا پیٹ بھر سکے۔