بائیڈن آگ کے ساتھ کھیل رہے ہیں:عطوان

?️ 29 جون 2021

سچ خبریں:عراقی عوامی تنظیم الحشد الشعبی کے خلاف واشنگٹن کی حالیہ جارحیت کے بارے میں عرب تجزیہ کار عطوان نے زور دیا کہ بائیڈن آگ سے کھیل رہے ہیں۔
معروف عرب تجزیہ کار اور رائے الیوم اخبار کے چیف ایڈیٹر عبدالباری عطوان نے عراقی عوامی تنظیم الحشد الشعبی کے خلاف امریکی صدر جو بائیڈن کے کہنے پر حالیہ امریکی جارحیت کے ردعمل میں ٹویٹ کرتے ہوئے لکھا کہ بائیڈن آگ سے کھیل رہے ہیں جو خطے میں پیش آنے والی تیز رفتارصورتحال سے واضح طور پر لاعلمی ہے۔

یادرہے کہ امریکی لڑاکا طیاروں نے پیر کی صبح شام – عراق سرحد پر واقع بوکمال علاقے میں الحشد الشعبی کے ٹھکانوں کو نشانہ بنایا،عراقی ذرائع کے مطابق شام عراق سرحد پر امریکی فوج کے حملے کے دوران الحشد الشعبی کے چار اہلکار شہید ہوئےتاہم امریکیوں کا دعوی ہے کہ انہوں نے یہ فوجی جارحیت دہشت گردی سے لڑنے کے مقصد سے کی ہے!۔

واضح رہے کہ الحشد الشعبی کے خلاف امریکی فوج کی نئی جارحیت اس وقت سامنے آئی جب اس ملک کی سیاسی جماعتیں اور تحریکیں عراقی سرزمین سے امریکیوں کے انخلا کا مطالبہ کر رہی ہیں،قبل ازیں عراقی پارلیمنٹ ممبر ایوب الربیعی نےاس ملک میں امریکی فوجیوں کی مسلسل موجودگی کے بارے میں بات کرتے ہوئے کہا کہ امریکی افواج کا عراق چھوڑنے کا ارادہ نہیں ہےجبکہ عراقی پارلیمنٹ کی قرارداد میں غیر ملکی افواج کے انخلا کی ضرورت پر زور دیا گیا ہے۔

اس سے قبل عراقی پارلیمانی اتحادفتح کے رہنما ہادی العامری نے بھی کہا کہ حقیقت یہ ہے کہ امریکیوں کے بارے میں ان کا مؤقف بالکل واضح ہے، ہمیں یقین ہے کہ امریکی فوجیوں کو عراق چھوڑنا چاہئے۔